RSS Feed
Twitter
Monday, December 23, 2013
Unknown
Zhang Xin Yu (ចាងស៊ីនយូ) ឬមានឈ្មោះជាភាសាអង់គ្លេសថា Vivian តួស្រីដ៏ល្បីល្បាញរបស់ប្រទេសចិនដែលត្រូវសម្ដែងជាតួអង្គលីម៉ក់ឆូវ ក្នុងរឿង “រន្ទះដាវឥន្ទ្រីទេព” ឆ្នាំ២០១៣ មានលេចឭពាក្យចចាមអារ៉ាមថា នាងត្រូវរើសមកសម្ដែងដើម្បីបំបាក់តួអង្គសៀវឡុងនីតែម្ដង។
អាន៖ កំពូលតារាសិចស៊ីទាំង១០នៅអាស៊ីប៉ាស៊ីហ្វិចតាម Google Analytics!
បណ្ដាប្រិយមិត្តដែលចូលចិត្តទស្សនាភាពយន្តភាគចិនបុរាណពិសេសរឿង “រន្ទះដាវឥន្ទ្រីទេព” ម្នាក់ ៗសុទ្ធតែរង់ចាំដូចៗគ្នាថា តើតារាសម្ដែងណាខ្លះ នឹងលេចមុខនៅក្នុងភាពយន្តភាគដ៏ល្បីល្បាញនេះ? សម្រាប់ឆ្នាំ២០១៣ អ្នកដឹកនាំ អវីជើង បានជ្រើសរើស Michelle Chen ឬ ឆើន យៀននី តារាសម្ដែងតៃវ៉ាន់ឲ្យមកសម្ដែងជាតួអង្គ សៀវឡុងនី ដែលជាតួអង្គស្រីដ៏ស្អាតបំផុតរបស់អ្នកនិពន្ធល្បីឈ្មោះ Kim Jung ក៏ប៉ុន្តែមនុស្សភាគច្រើនយល់ថា ឆឺនយៀននី មិនសមនឹងសម្ដែងជាសៀវឡុងនីទេព្រោះនាងមានរាងធាត់ពេក។
ពេលមើលមកតួអង្គសម្ដែងផ្សេង ៗជាពិសេសលីម៉ក់ឆូវវិញ មានប្រិយមិត្តមួយចំនួនហាក់ពេញចិត្តខ្លាំង ព្រោះបានកំពូលតារាសិចស៊ីប្រចាំប្រទេសចិន មកសម្ដែងជាតួអង្គសិស្សផ្នូរបុរាណជំនាន់ទីបីដែលមានរហស្សនាមថា “ទេពធីតាសូត្រក្រហម” ដែលជាសិស្សច្បងរបស់ សៀវឡុងនី រហូតដល់ប្រិយមិត្តលាន់មាត់ថា ការដែលអ្នកដឹកនាំជ្រើសរើសតារាស្រីកំពូលសម្រស់ម្នាក់នេះមកសម្ដែងជាលីម៉ក់ឆូវគឺដើម្បីបំបាក់តួអង្គ សៀវឡុងនី ច្បាស់ណាស់។
ថ្ងៃនេះ Sabay នឹងនាំប្រិយមិត្ត មិត្តអ្នកអាន ឲ្យបានស្គាល់ ចាង ស៊ីនយូឲ្យកាន់តែច្បាស់ថែមទៀត។
អាន៖ លីម៉ក់ឆូវ២០១៣ រឿង “រន្ទះដាវឥន្ទ្រីទេពវគ្គថ្មី” ស៊ីដាច់សៀវឡុងនីអត់?
ចាងស៊ីនយូ ជាតារាដែលល្បីល្បាញបំផុតនៅប្រទេសចិន នាងបានប្រឡូកក្នុងវិស័យសិល្បៈដើមឆ្នាំ២០១០ ក្នុងឋានៈជាតារាបង្ហាញម៉ូដហើយបន្ទាប់មក នាងបានទទួលចំណាប់អារម្មណ៍ពីប្រិយមិត្តរហូតមានមុខក្នុងកាសែត និងទស្សនាវដ្ដីល្បី ៗ រហូតមានឱកាសបានសម្ដែងភាពយន្តខ្នាតធំ និងភាពយន្តទូរទស្សន៍ផងដែរ។
ចាងស៊ីនយូ គឺជាតារាជួរមុខមួយដួងដែលជាប់ឈ្មោះជានារីក្នុងដួងចិត្តបុរសៗ ហើយត្រូវបានគេបោះឆ្នោតឱ្យ និងបានទទួលងារជា “Fan Bingbing” ទីពីរទៀតផង។ ដោយសារមានមុខមាត់ស្រស់ស្អាត និងរូបរាងសមសួនធ្វើឲ្យមនុស្សជាច្រើនសង្ស័យថា តើនាងកើតមកស្រស់ស្អាតដោយធម្មជាតិ ឬដោយសារការវះកាត់កែសម្ផស្សពីគ្រូពេទ្យ? ចំពោះចំណុចនេះ នាងបានអះអាងថា នាងមិនបានវះកាត់កែសម្ផស្សអ្វីទាំងអស់ តែនាងទទួលស្គាល់ថា បានចាក់បូថក់ (Botox) ខ្លះដែរ។
ដោយសារតែភាពល្បីល្បាញ និងមានអ្នកចូលចិត្តច្រើន នារីរូបស្រស់ម្នាក់នេះមិនអាចគេចផុតពីព័ត៌មានផ្សេងៗបាននោះទេ ដូចជា ចាងស៊ីនយូ ចុះទុនយកខ្លួនប្ដូរដើម្បីបានការងារសិល្បៈជាដើម ក៏ប៉ុន្តែដោយសារក្រុមអ្នកគាំទ្រដ៏ច្រើនមិនជឿថាព័ត៌មានលេចឭនោះជាការពិត ពួកគេនៅតែបន្ដគាំទ្រ ក៏ធ្វើឲ្យនាងឆ្លងផុតរឿងរ៉ាវអាក្រក់ទាំងនោះ ហើយក្លាយជានិមិត្តសញ្ញានារីសម្បូរស្នេហ៍ និងសិចស៊ីក្នុងពេលតែមួយផងដែរ។
ចំពោះការដែលនាងមានឱកាសបានសម្ដែងជាតួអង្គ លីម៉ក់ឆូវ ក្នុងភាពយន្តអមតៈដែលថតឡើងវិញពេលណា តួឯកនឹងល្បីពេលហ្នឹងនោះ គឺជាឱកាសមាសសម្រាប់នាងទៀតមិនខាន ព្រោះគ្មានអ្នកណាដឹងទេថា តើមានកំលោះប៉ុន្មាននាក់ស្ម័គ្រចិត្តសុំខ្លួនធ្វើជាអ្នកគាំទ្រលីម៉ក់ឆូវសិចស៊ីរូបនេះទៀត?
ប្រភពពីៈhttp://news.sabay.com.kh
Posted in 
0 comments:
Post a Comment