RSS Feed
Twitter
Saturday, January 04, 2014
Unknown
អ្នកចាត់ការ Jose Mourinho និយាយថាលោកមានបំណងទុកខ្សែបម្រើ Juan Mata និង Michael Essien ឱ្យនៅលេងឱ្យ Chelsea ដដែលប៉ុន្តែទ្វារបើកចំហសម្រាប់ពួកគេប្រសិនបើកីឡាករទាំងពីរចង់ចាកចេញ។
ខ្សែបម្រើជម្រើសជាតិអេស្ប៉ាញ Mata បង្ហាញកាយវិការខឹងមួម៉ៅនៅពេលត្រូវលោក Mourinho ប្ដូរចេញនិងដាក់ជំនួសវិញដោយ Oscar ក្នុងនាទីទី៥៣នៃការប្រកួតដែល Chelsea ផ្ដួល Southampton ៣-០យប់មិញ។ ពេលនោះអតីតយុវជនរបស់ Real Madrid មិនចាប់ដៃអ្នកចាត់ការរបស់ខ្លួនទេហើយបញ្ចេញសកម្មភាពខឹងក្រោធថែមទៀត មុនពេល Michael Essien ដែលអង្គុយកៅអីបម្រុងជួយលួងលោម។
យ៉ាងណាក្ដី លោក Mourinho បញ្ជាក់ថាកីឡាករដែលផ្ទេរពីក្រុម Valencia មក Stamford Bridge ក្នុងតម្លៃ៣៩លានដុល្លារកាលពីឆ្នាំ២០១១ បញ្ចេញអាការៈបែបនោះពីព្រោះគេមិនសប្បាយចិត្តនឹងគ្រាប់បាល់ដែលនៅ០-០នៅឡើយពេលត្រូវប្ដូរចេញនោះ។
ទន្ទឹមនឹងនេះ អ្នកចាត់ការសញ្ជាតិព័រទុយហ្គាល់វ័យ៥០ឆ្នាំបន្ថែមថា៖ “ខ្ញុំចង់ទុកគេ មិនចង់ឱ្យគេចេញទៅណាទេ។ នេះជាបំណងរបស់ខ្ញុំ ប៉ុន្តែទ្វាររបស់ខ្ញុំបើកចំហ ហើយទ្វារក្លិបក៏បើកចំហដូចគ្នានៅពេលណាកីឡាករចង់និយាយជាមួយពួកយើង ពួកយើងរង់ចាំពួកគេ។ ខ្ញុំដឹងថាកីឡាករម្នាក់ៗគិតអំពីការជាប់ជម្រើសជាតិ ទៅលេង World Cup និងលេងទៀងទាត់ក្នុងក្រុម ប៉ុន្តែខ្ញុំមិនអាចធានាកៅអីជម្រើស១១នាក់ដំបូងសម្រាប់នរណាម្នាក់បានទេ វាអាស្រ័យលើទម្រង់លេងរបស់ពួកគេ”។
ការសម្រេចចិត្តរបស់លោក Mourinho ផ្ដល់ផលជាវិជ្ជមានក្នុងការប្រកួតយប់មិញ ពោលគឺបន្ទាប់ពីដាក់ខ្សែបម្រើប្រេស៊ីល Willian និង Oscar ចូលលេងជំនួស Andre Schurrle និង Mata ក្នុងនាទីទី៥៣ ការវាយសម្រុករបស់ក្រុមតោខៀវកាន់តែស្រួចស្រាល់ហើយរកគ្រាប់បាល់បញ្ចូលទីក្រុម Southampton បានសម្រេចក្នុងនាទីទី៦០,៧១និង៨២។
ឆ្លងកាត់២០ប្រកួតមកនេះ ក្រុម Chelsea ឈរលេខរៀងទី៣ក្នុងតារាង Premier League ដេញពីក្រោយក្រុមកំពូលតារាង Arsenal តែ២ពិន្ទុប៉ុណ្ណោះ ប៉ុន្តែលោក Mourinho និយាយថាក្រុមរបស់លោកមិនមែនជាបេក្ខភាពប្រជែងជើងឯកទេ៕
ប្រភពពីhttp://news.sabay.com.kh
Posted in 
.jpg)
.jpg)
0 comments:
Post a Comment