RSS Feed
Twitter
Thursday, January 16, 2014
Unknown
បច្ចេកវិទ្យាមានការអភិវឌ្ឍឥតឈប់ឈរ គ្រាន់តែនៅក្នុងឆ្នាំ ២០១៣ ប្រិយមិត្តបានដឹងរួចមកហើយអំពីរបកគំហើញថ្មីៗដែលបានបំពាក់លើទូរសព្ទកាន់តែទំនើបដូចជាមុខងារស្កេនម្រាមដៃ អេក្រង់កោង បន្ទះ chip សមត្ថភាពខ្ពស់ មនុស្សយន្តមានភាពឆ្លាតវៃ និងម៉ាស៊ីនព្រីន 3D ជាដើម។
ចុះសម្រាប់ឆ្នាំថ្មី ២០១៤ នេះវិញ តើនឹងកាន់តែទំនើបអស្ចារ្យយ៉ាងណាទៀត? ខាងក្រោមនេះ គឺជាបច្ចេកវិទ្យាដែលមានការច្នៃប្រឌិតខ្ពស់ទាំង ៦ រំពឹងចេញក្នុងឆ្នាំ ២០១៤៖
១. វីដេអូខលមើលគ្នាឃើញក្នុងទម្រង់ 3D ដូចពិតៗ៖
កន្លងទៅ Microsoft ធ្លាប់បានអះអាងថា កំពុងអភិវឌ្ឍកម្មវិធីវីដេអូខល Skype របស់ខ្លួនឱ្យប្រើក្នុងទម្រង់ 3D បានយ៉ាងទំនើបថែមទៀត។ នៅពេលសម្រេចបាន អ្នកប្រើនឹងទទួលបានអារម្មណ៍ថ្មីប្លែក ឃើញញាតិមិត្តទាំងឡាយហាក់នៅចំពោះមុខអីចឹង។ សព្វថ្ងៃ user ដែលកំពុងប្រើសេវាកម្មទំនាក់ទំនងតាមវីដេអូខលនេះសរុបប្រហែល ៣០០លាននាក់៕
២. រថយន្តប្រណាំងដំណើរការដោយអគ្គិសនី៖
ក្នុងឆ្នាំថ្មីនេះ គេជឿថា បច្ចេកវិទ្យារថយន្តដើរដោយថាមពលអគ្គិសនីនឹងកាន់តែសម្បូរបែប ជាក់ស្ដែងរថយន្តប្រណាំង Formula E នឹងមានវត្តមានលើឆាកប្រកួតក្នុងទីក្រុង London។ ចំណុចពិសេសមិនត្រឹមតែប្រើអគ្គិសនីកាត់បន្ថយការចំណាយជាងប្រើសាំងប៉ុណ្ណោះទេ តែថែមទាំងមានរូបរាងយ៉ាងប្រណិតទាន់សម័យស័ក្ដិសមបំផុតធ្វើជារថយន្តប្រណាំង។ គេរំពឹងថា Formula E នឹងរត់ក្នុងចម្ងាយផ្លូវ 155mph ឬ ២៥០គីឡូម៉ែត្រ/ម៉ោង។
៣. ការដឹកជញ្ជូនទំនិញអនឡាញកាន់តែរហ័សទាន់ចិត្តតាមផ្លូវអាកាស៖
កន្លងទៅក្រុមហ៊ុនលក់ទំនិញតាមអនឡាញធំបំផុតលើលោករបស់អាមេរិក Amazon ធ្លាប់បានប្រកាសគម្រោងដឹកជញ្ជូនទំនិញដល់អតិថិជនតាមវិធីងាយស្រួល និងរហ័សជាងមុនតាមយានហោះ។ យាន Prime Air អាចផ្ទុកទិន្នន័យដឹកម្ដងទម្ងន់ ២,៣ គីឡូក្រាម។ ទន្ទឹមនោះ eBay ក៏មានគម្រោងដូចគ្នានេះដែរ។
៤. លេងហ្គេមដូចក្នុងពិភពពិតមែនទែន៖
ហ្គេមជាទូទៅលេងនៅលើអេក្រង់កុំព្យូទ័រ តែបច្ចេកវិទ្យាថ្មីចុងក្រោយឃើញគេបង្កើតជាអេក្រង់សិប្បនិមិត្តសម្រាប់ពាក់ស្រដៀងវ៉ែនតា។ ជាក់ស្ដែងឧបករណ៍លេងហ្គេមរបស់ Oculus Rift ដែលចេញនៅ CES តាំងពី ២០១៣។ Oculus Rift គឺជាឧបករណ៍ទំនើបប្រើធ្វើជាអេក្រង់សិប្បនិមិត្តសម្រាប់លេងហ្គេម ដែលមាន resolution ចាប់ពី (640x800px) ទៅ (1280x800px)។ អ្នកលេងនឹងជក់ចិត្តជាមួយរូបភាពប្រភេទ 3D ទិដ្ឋភាពក្នុងហ្គេមមានលក្ខណៈស្ដែងដូចជារូបភាពខាងក្រៅពិតៗអញ្ចឹង។
៥. កាតចាយវាយមានប៊ូតុងចុច សម្រាប់ប្ដូរប្រភេទកាតបាន (debit, credit, loyalty ឬ gift card)៖
ការធ្វើស្ថិតិមួយលើប្រជាជនអាមេរិក ពួកគេមានគំនិតថ្មីក្នុងការចាយកាតឥណទានផ្សេងៗឱ្យបានច្រើន ដោយកាន់តែកាតមួយសន្លឹកប៉ុណ្ណោះ។ ក្រុមហ៊ុន Coin នៅសាន់ហ្វ្រាន់ស៊ីស្កូបានច្នៃបង្កើត device ជាកាតឥណទានទំហំប៉ុនៗគ្នា ដែលអាចយកតាមខ្លួនផ្ទុកប្រភេទកាតផ្សេងៗទៀតបានចំនួន ៨កាត ដូចជា កាតឥណពន្ធ ឥណទាន កាតអតិថិជនពិសេស និងកាតបញ្ចុះតម្លៃផ្សេងៗជាដើម។ អ្នកដែលមានកាតច្រើនប្រភេទ និងមានភាពងាយស្រួលជាមួយគំនិតថ្មីនេះ ព្រោះងាយស្រួលចាយចង់ប្ដូរប្រភេទកាតគ្រាន់តែចុចលើប៊ូតុងជាការស្រេច។
៦. សណ្ឋាគារក្រោមដីនៅសៀងហៃ៖
ភ្នំ Tianmenshan នៅក្រៅក្រុងសៀងហៃ ប្រទេសចិន ចម្ងាយ ៤៨គីឡូម៉ែត្រ ត្រូវបានបង្កើតជាសណ្ឋាគារលំដាប់អន្តរជាតិ។ ក្រុមហ៊ុន InterContinental Hotels Group បានបោះទុនប្រមាណ ៥៦៤លានដុល្លារអាមេរិកដើម្បីកសាងរមណីយដ្ឋានផ្កាយ ៥។ គម្រោងនេះត្រូវរំពឹងនឹងរួចរាល់ជាស្ថាពរនៅចុងឆ្នាំ២០១៤៕
ប្រភពពីhttp://news.sabay.com.kh/
Posted in 
.jpg)
0 comments:
Post a Comment