RSS Feed
Twitter
Monday, January 20, 2014
Unknown
ស្របពេលដែលក្រុមបិសាចក្រហម Manchester United ហាក់បង្ហាញចំណាប់អារម្មណ៍លើខ្សែបម្រើប្រយុទ្ធ Juan Mata ក្រុមតោខៀវ Chelsea បំភ្លឺភ្លើងខៀវថាសមាជិកក្រុមជម្រើសជាតិអេស្ប៉ាញវ័យ២៥ឆ្នាំអាចផ្លាស់ទៅ Old Trafford បានប្រសិនបើ Man Utd ព្រមចំណាយ៤០លានផោន (៦៥,៧លានដុល្លារអាមេរិក) សម្រាប់តម្លៃខ្លួន។
បច្ចុប្បន្ន Mata មិនសូវសប្បាយចិត្តនៅ Stamford Bridge ទេព្រោះជយលាភីកីឡាករល្អជាងគេរបស់ក្លិប Chelsea (Chelsea Player of the Year) ប្រចាំរដូវកាល២០១១-១២និង២០១២-១៣រូបនេះមិនសូវបានចូលលេងឡើយក្រោមការដឹកនាំរបស់លោក Jose Mourinho ពោលគឺភាគច្រើនអង្គុយនៅកៅអីកីឡាករបម្រុង ព្រោះ Oscar គឺជាកីឡាករលេខ១០(លេខ១០ត្រង់នេះសំដៅលើកីឡាករដែលលេងនៅពីក្រោយខ្សែប្រយុទ្ធកណ្ដាល)សំណព្វចិត្តរបស់គ្រូបង្វឹកសញ្ជាតិព័រទុយហ្គាល់រូបនេះហើយ Willian និង Hazard សុទ្ធតែល្អៗទាំងអស់។
ប៉ុន្តែការចរចាគ្នាហាក់ស្មុគស្មាញពីព្រោះលោក Mourinho នៅតែចងចិត្តចង់បានខ្សែប្រយុទ្ធ Wayne Rooney នៅឡើយដែរ ខណៈលោក David Moyes បញ្ជាក់ហើយថានឹងមិនលក់ជាដាច់ខាត ហើយម្យ៉ាងទៀតតម្លៃខ្លួនដែល Chelsea ទារគឺថ្លៃពេក។ យ៉ាងណាក្ដី លោក Mourinho ធ្លាប់និយាយថ្មីៗនេះថាទ្វារបើកចំហប្រសិនបើ Mata ចង់ចេញ។
Mata ផ្ទេរពីក្លិប Valencia មកកាន់ Chelsea កាលពីថ្ងៃទី២១សីហាឆ្នាំ២០១១ក្នុងតម្លៃ២៣,៥លានផោននិងចុះកិច្ចសន្យារយៈពេល៥ឆ្នាំ៕
ប្រភពពីhttp://news.sabay.com.kh/
Posted in 
.jpg)
0 comments:
Post a Comment