RSS Feed
Twitter
Thursday, January 23, 2014
Unknown
ក្រុមហ៊ុនបណ្ដាញទូរសព្ទ Smart បានដាក់ឲ្យដំណើរការជាផ្លូវការបច្ចេកវិទ្យា 4G ដែលក្រុមហ៊ុនអះអាងថា ជាបច្ចេកវិទ្យាថ្មីនិងដ៏ទំនើបដែលនឹងនាំបទពិសោធន៍នៃការប្រើប្រាស់អ៊ីនធឺណិតល្បឿនលឿនបំផុតនៅកម្ពុជា។
តាមការអះអាងរបស់ក្រុមហ៊ុនថា បច្ចេកវិទ្យា 4G LTE នេះនឹងផ្តល់អត្ថប្រយោជន៍ជាច្រើន ជាពិសេសល្បឿនអ៊ីនធឺណិតដែលលឿនជាងល្បឿន 3Gដល់ទៅ 10 ដង។
4G ជាពាក្យកាត់នៃ fourth-generation wireless ដែលជាបច្ចេកវិទ្យាឥតខ្សែជំនាន់ចុងក្រោយគេបង្អស់ បន្ទាប់ពី3G ជាមួយល្បឿនរហូតដល់ 1Gbit/sec លឿនជាង 3G ដប់ដង (3Gx10=4G)។ ប្រព័ន្ធ4G ចែកចេញជាពីរគឺ LTE និង WiMAX ដែលនេះជាបច្ចេកវិទ្យាដែលឈានមុខគេនាពេលបច្ចុប្បន្ននេះ។
កន្លងទៅ ក្រៅពីក្រុមហ៊ុន Smart ក្រុមហ៊ុនបណ្តាញទូរសព្ទ Cooltel ក៏បានអះអាងពីការនាំបច្ចេកវិទ្យា 4G នេះ សម្រាប់ប្រើប្រាស់នៅលើទីផ្សារប្រទេសកម្ពុជានោះដែរ។
ថ្ងៃខាងមុខនេះ គេជឿជាក់ថាក្រុមហ៊ុនទូរសព្ទជាបន្តបន្ទាប់នឹងនាំយកបច្ចេកវិទ្យា 4G មកប្រើប្រាស់នៅក្នុងប្រទេសកម្ពុជា ខណៈបច្ចេកវិទ្យានេះកំពុងប្រើប្រាស់យ៉ាងទូលំទូលាយនៅតាមបណ្តាប្រទេសអភិវឌ្ឍជាច្រើននោះ។
ប្រភពពីhttp://news.sabay.com.kh/
Posted in 
.jpg)
0 comments:
Post a Comment