Lionel Messi បានត្រលប់មកវិញហើយ ក្រោយអវត្តមានពីទីលានអស់រយៈពេល៥សប្ដាហ៍ដោយសារបញ្ហារបួសសរសៃពួរគន្លាក់ជើង តាំងពីថ្ងៃទី១១ ខែវិច្ឆិកាមក។ ការត្រលប់ចូលហ្វឹកហាត់វិញនេះ កីឡាករប្រធានក្រុមជម្រើសជាតិអាហ្សង់ទីន នៃក្លិបអ្នកមានបុណ្យ Barcelona នៅតែបង្ហាញភាពខ្លាំងរបស់ខ្លួនដដែល ដោយអាចធ្វើបានហ៊ែតទ្រីក (ស៊ុតចូល៣គ្រាប់) ក្នុងការប្រកួតហ្វឹកហាត់ជាមួយមិត្តរួមក្រុម។
ការប្រកួតសមពេលហ្វឹកហាត់នេះ ធ្វើឡើងដោយបើកចំហសម្រាប់អ្នកគាំទ្ររបស់ Barcelona ដែលធ្វើឲ្យ Messi ទទួលបានការហ៊ោកញ្ជ្រៀវអបអរយ៉ាងកងរំពងពេលស៊ុតបញ្ចូលទី។
ដូចដែលប្រិយមិត្តបានដឹងហើយថាការស៊ុតបញ្ចូលទីបានក្លាយជារឿងសាមញ្ញទៅហើយសម្រាប់កីឡាករកំពូលដូចជា Messi ក្នុងប៉ុន្មានឆ្នាំចុងក្រោយនេះ។ ជាក់ស្ដែង កាលពីឆ្នាំ២០១២ កីឡាករវ័យ២៦ឆ្នាំរូបនេះ បានស៊ុតបញ្ចូលទីដល់ទៅ៩១គ្រាប់ដើម្បីបំបែកកំណត់ត្រាពិភពលោក។ យ៉ាងណាក្ដី សម្រាប់រដូវកាល២០១៣-២០១៤ នេះ ម្ចាស់ពាន Ballon d’Or ៤ឆ្នាំជាប់គ្នានេះ អាចស៊ុតបាន៨គ្រាប់ប៉ុណ្ណោះ តិចជាងគូប្រជែង Cristiano Ronaldo ដោយសាររូបគេជួបបញ្ហារបួសញឹកពេក។
ប្រភពពីhttp://news.sabay.com.kh
0 comments:
Post a Comment