RSS Feed
Twitter
Tuesday, January 07, 2014
Unknown
ក្រុមហ៊ុន Toyota បានបង្ហាញពីគម្រោងរបស់ខ្លួនក្នុងដាក់លក់រថយន្តនាពេលអនាគត (car of future) ដោយប្រើបច្ចេកវិទ្យា fuel-cell នៅអាមេរិកនៅឆ្នាំ២០១៥នេះ ដោយហៅរថយន្តនេះថាជារថយន្តអ៊ីដ្រូសែនដោយគ្មានចំហេះបំពុលបរិស្ថាន។ ការប្រកាសនេះធ្វើឡើងក្នុងពិព័រណ៍ផលិតផលបច្ចេកវិទ្យាប្រចាំឆ្នាំ CES នៅ Las Vegas ព្រឹកមិញនេះ។
រថយន្តអនាគតមិនទាន់មានឈ្មោះរបស់ Toyota
លោក Bob Carter អនុប្រធានផ្នែកលក់របស់ក្រុមហ៊ុន Toyota បានបង្ហើបថា ទីផ្សារដំបូងសម្រាប់រថយន្តនេះ គឺនៅរដ្ឋកាលីហ្វ័រញ៉ា ហើយក៏ត្រូវបង្កើតស្ថានីយចាក់អ៊ីដ្រូសែននៅក្នុងតំបន់ៗក្នុងរដ្ឋនេះ ក្នុងពេលដំណាលគ្នាផងដែរ។ ឯតម្លៃវិញ គឺមានលក្ខណៈសមរម្យ ប៉ុន្តែមិនត្រូវបានបង្ហើបនោះឡើយ។
រថយន្តនេះដែលមិនទាន់មានឈ្មោះនេះ គឺរថយន្តគ្មានចំហេះពុល ដើរដោយថាមពលអគ្គិសនី មានទ្វារបួន ហើយមានមុខងារដូចរថយន្តធម្មតាអីចឹង។ រថយន្តនេះអាចបើកបរបានលើចម្ងាយផ្លូវ ៤៨០ គីឡូម៉ែត្រ បើចាក់អ៊ីដ្រូសែនមួយពេញធុង។
រថយន្តអនាគតមិនទាន់មានឈ្មោះរបស់ Toyota
ងាកមកក្រុមហ៊ុនដៃគូប្រជែងវិញ គឺ Honda គ្រោងនឹងចេញលក់រថយន្តប្រើបច្ចេកវិទ្យា fuel-cell នៅទីផ្សារអាមេរិកនៅឆ្នាំ ២០១៥ ផងដែរ។ រថយន្តប្រើបច្ចេកវិទ្យា fuel-cell គឺត្រូវការចាក់អ៊ីដ្រូសែន ដូច្នេះចំហេះចេញមកវិញគឺចំហាយទឹក មិនប៉ះពាល់ដល់បរិស្ថានដូចរថយន្តធម្មតាដែលបញ្ចេញ CO2 នោះឡើយ។
FCX Clarity របស់ Honda
ប្រភពពីhttp://news.sabay.com.kh
Posted in 
.jpg)
0 comments:
Post a Comment