RSS Feed
Twitter
Thursday, January 16, 2014
Unknown
ភ្នំថ្ម Guatapé ឬឈ្មោះមួយទៀត La Piedra គឺជាថ្មដ៏ធំ ដែលស្ថិតនៅក្នុងក្រុង Guatapé រដ្ឋ Antioquia ប្រទេសកូឡុំប៊ី។ ភ្នំថ្មទម្ងន់ ១០លានតោននេះ មានកម្ពស់ ២០០ម៉ែត្រពីដី ដែលគេអាចមើលឃើញពីចម្ងាយរាប់គីឡូម៉ែត្រពីជុំវិញតំបន់នោះ។ ថ្មដែលស្ទើរតែគ្មានរុក្ខជាតិអ្វីសោះនោះ មានប្រហោងមួយតាំងពីលើដល់ក្រោម។ នៅក្នុងប្រហោងនោះ គេបានសាងសង់ជណ្ដើរឥដ្ឋ ៦៤៩កាំ ដែលមើលពីចម្ងាយប្រៀបដូចជាថ្នេរដេរភ្ជាប់ថ្មភ្នំនោះដូច្នោះដែរ។
នៅលើកំពូលភ្នំដែលព័ទ្ធជុំវិញដោយរបងនោះ ក៏មានតូបលក់វត្ថុអនុស្សាវរីយ៍មួយចំនួន និងកន្លែងសម្រាប់គយគន់ទេសភាពដ៏ស្រស់ត្រកាល។ អ្នកលក់ចំណីអាហារនៅ ទីនោះក៏មានតុកៅអីសម្រាប់ភ្ញៀវទេសចរ ដែលពួកគេអាចអង្គុយពិសាអាហារឆ្ងាញ់ៗ និងកម្សាន្តអារម្មណ៍ជាមួយទស្សនីយភាពដ៏ល្អវិសេសពីគ្រប់ជ្រុង នៅលើកំពូលភ្នំ។
ភ្នំនេះស្ថិតនៅលើព្រំដែននៃក្រុង ២គឺ Guatapé និង El Peño។ ប្រជាជនរស់នៅក្រុងទាំង ២នេះសុទ្ធតែអះអាងថាភ្នំនេះស្ថិតនៅលើទឹកដីរបស់ខ្លួន។ មានពេលមួយនោះ អ្នករស់នៅក្រុង Guatapé បានសម្រេចចិត្តបញ្ចប់បញ្ហានោះដោយគូរឈ្មោះក្រុងរបស់គេធំៗលើជញ្ជាំងភ្នំនេះ។ នៅពេលដែលអ្នករស់នៅក្រុងEl Peño បានដឹងពីរឿងនេះគេក៏បានលើកគ្នីគ្នាជាច្រើនមកបញ្ឈប់ការងារនេះ។ មានតែអក្សរ “G” និងផ្នែកខ្លះៗនៃអក្សរ “U” តែប៉ុណ្ណោះដែលគេគូរហើយ។ អក្សរធំៗទាំងពីរនេះនៅតែអាចមើលឃើញនៅប៉ែកខាងជើងនៃភ្នំនោះ។
ភ្នំនេះត្រូវបានគេឡើងជាលើកដំបូងក្នុងខែកក្កដា ឆ្នាំ១៩៥៤ ដោយអ្នកឡើងភ្នំ ៣នាក់ដោយប្រើឈើជាប់នឹងក្រហែងថ្មនោះ ហើយជណ្ដើរឥដ្ឋក៏ត្រូវបានសាងសង់នៅពេលក្រោយ។
រីករាយទស្សនាទិដ្ឋភាពដ៏អស្ចារ្យរបស់តំបន់ទេសចរណ៍នេះខាងក្រោម៖
.jpg)
ប្រភពពីhttp://news.sabay.com.kh
Posted in 
.jpg)
0 comments:
Post a Comment