GS5 បែក​ការណ៍​ ម្ដង​នេះ​ទំនង​ទុក​ចិត្ត​បាន​ជាង​មុន​​

Galaxy S5 ដែល​ប្រិយមិត្ត​រាល់​គ្នា​កំពុង​ទន្ទឹង​មើល​ផ្លូវ ចង់​ដឹង​ចង់​ឃើញ​ថា​ នឹង​មាន​បច្ចេកវិទ្យា​ថ្មីៗ​បែប​ណា​ខ្លះ​នោះ ឥឡូវ​ស្រាប់​តែ​បែក​ព័ត៌មាន​គួរ​ឱ្យ​ទុក​ចិត្ត​ពី​គេហទំព័រ sammobile នៅ​ត្រង់​ថ្ម​របស់​កំពូល Smartphone នេះ​មាន​កម្រិត​ថាមពល 2900mAh ខ្ពស់​ជាង​ថ្ម​នៅ​លើ Galaxy S4 ដែល​មាន​ត្រឹម 2600mAh ប្រភេទ Li-on សាក​ថ្ម​បាន​ឆាប់​ពេញ​ជាង​ជំនាន់​មុនៗ។

គំរូ Galaxy S5

គេ​ជឿ​ថា​ថ្ម​នៅ​លើ Galaxy ជំនាន់​ថ្មី​នេះ នឹង​ប្រើ​ប្រភេទ Li-on ប្រភេទ​ថ្មី​ខុស​ពី​ថ្ម​ដែល​បាន​បំពាក់​លើ​​សែស្រឡាយ Galaxy នានា​កន្លង​មក។ ដោយសារតែ​បែបនេះ នឹង​ជួយ​ឱ្យ S5 កាន់​ផ្ទុក​ភ្លើង​បាន​កាន់​តែ​ច្រើន​ជាង​មុន ២០% ដែល​នឹង​ផ្ដល់​ការ​ប្រើប្រាស់​បាន​យូរ​ជាង​មុន​ដូច​គ្នា។ ប្រភេទ​ថ្ម​នេះ​គឺ​បង្កើត​ដោយ​ក្រុមហ៊ុន Amprius មូលដ្ឋាន​នៅ Silicon Valleyហើយ​គេ​រំពឹង​ថា Galaxy S5 នឹង​ជា Smartphone បំពាក់ Li-on tech ដំបូង​គេ។​

ជា​ធម្មតា​បច្ចេកវិទ្យា​អេក្រង់​ដែល Samsung យក​មក​បំពាក់​លើ Smartphone ទំនើបៗ​របស់​ខ្លួន​តែង​ត្រូវ​បាន​ក្រុមហ៊ុន​កូរ៉េ​នេះ​អភិវឌ្ឍ​ពី​មួយ​កម្រិត​ទៅ​មួយ​កម្រិត ហើយ​ទំហំ​ក៏​អាច​ពង្រីក​ឱ្យ​ធំ​ជាង​មុន។ នេះ​ជា​កត្តា​ធ្វើ​ឱ្យ​ទូរសព្ទ​ត្រូវ​ការ​ថាមពល​កាន់​តែ​ខ្លាំង​សម្រាប់​បម្រើបម្រាស់​ផ្សេងៗ។

ចចាមអារ៉ាម​ពី​លក្ខណៈ​សម្បត្តិ​របស់ GS5 កន្លង​មក​រួម​មាន៖

- អេក្រង់ Super AMOLED qHD ទំហំ ៥,២៥អ៊ីញ (2560 x1440px)
- កាមេរ៉ាក្រោយ​ទំហំ 16MP និងខាង​រ៉ា​មុខ​ 2.5MP
- ប្រព័ន្ធ​ប្រតិបត្តិការ Android 4.4 KitKat
- បែង​ចែក​ជា ២ជំនាន់​មួយ​បំពាក់ chip របស់ Qualcomm គឺ Snapdragon 805 និង​មួយ​ទៀត chip របស់ Samsung ផ្ទាល់​គឺ octa-core Exynose 6 គាំទ្រ ARMv8 64-bit
- RAM ទំហំ 3.5GB
- Memory ម៉ាស៊ីន​ទំហំ 32GB/64GB
​- បច្ចេកវិទ្យា​ថត​វីដេអូ​កម្រិត 4K
- Full HD slow-motion ថត​ក្នុង​កម្រិត 160fp
- តួ​ផលិត​ពី​លោហធាតុ

ប្រភពពីhttp://news.sabay.com.kh