RSS Feed
Twitter
Saturday, January 04, 2014
Unknown
រដ្ឋាភិបាលកូរ៉េខាងត្បូងបានអនុម័តច្បាប់ថ្មីកាលពីថ្ងៃអង្គារ ដើម្បីពង្រឹងវិន័យក្នុងវិស័យកម្សាន្ត និងការពារតារាថ្មីៗ នេះបើយោងតាមសារព័ត៌មានប្រទេសនេះ។
ក្នុងច្បាប់ថ្មីនេះ អ្នកដែលចង់បង្កើតក្រុមហ៊ុនជ្រើសរើសតារាចម្រៀង និងសម្ដែង ត្រូវមានបទពិសោធន៍យ៉ាងតិច ៤ឆ្នាំក្នុងវិស័យកម្សាន្ត។ ជនដែលធ្លាប់ជាប់បទឧក្រិដ្ឋ នឹងត្រូវស៊ើបអង្កេតមុននឹងអនុញ្ញាតឲ្យបើកក្រុមហ៊ុនបែបនេះ។
ក្រុមហ៊ុនថ្មីៗក៏នឹងត្រូវមានការទទួលស្គាល់ពីក្រសួងវប្បធម៌ កីឡា និងទេសចរណ៍កូរ៉េផងដែរ មុននឹងជ្រើសរើសតារាហាត់សម្ដែង។ ជាងនេះទៅទៀត ច្បាប់ចំពោះតារាហាត់សម្ដែង ដែលជាអនីតិជន គឺកាន់តែតឹងរ៉ឹង។
ច្បាប់ទាំងនេះ ហាមមិនឲ្យក្រុមហ៊ុនទាំងអស់បង្ហាត់តារាក្មេងៗរបស់ខ្លួនចាប់ពីម៉ោង១០យប់ ដល់ ៦ព្រឹកឡើយ និងបានកំណត់ចំនួនម៉ោងហ្វឹកហាត់សម្រាប់តារាទាំងនោះត្រឹម៤៦ម៉ោងក្នុងមួយសប្ដាហ៍។
អ្នកនាំពាក្យរបស់ក្រសួងម្នាក់បាននិយាយថា ច្បាប់ថ្មីនេះនឹងធ្វើឲ្យវិស័យកម្សាន្តកាន់តែរឹងមាំ និងជួយឲ្យវប្បធម៌ចម្រៀងប៉ុបអភិវឌ្ឍបានដោយកំណត់ចំនួនក្រុមហ៊ុនក្នុងវិស័យនេះ។
យុវជនកូរ៉េជាច្រើននាក់មានបំណងចង់ក្លាយជាតារា ពីព្រោះពួកគេយល់ថានេះជាអាជីពដ៏អស្ចារ្យ និងរកប្រាក់ចំណូលបានច្រើន។ ក៏ប៉ុន្តែទម្រាំបានក្លាយជាតារាគឺមិនមែនជារឿងងាយស្រួលឡើយ។ តារាថ្មីៗទាំងនោះត្រូវឆ្លងកាត់ការហ្វឹកហាត់ដ៏ពិបាក រាប់ឆ្នាំ ហើយជួនកាលអាចនឹងមិនមានឱកាសចេញសម្ដែងផងក៏ថាបាន។ ហើយខ្លះទៀតក៏អាចរងគ្រោះដោយសារថៅកែក្រុមហ៊ុនមួយចំនួនផងដែរ។
កាលពីឆ្នាំ២០១២ នាយកក្រុមហ៊ុនមួយត្រូវបានចាប់ខ្លួនដោយសារការរំលោភផ្លូវភេទលើតារាស្រីក្មេងៗក្នុងក្រុមហ៊ុនរបស់ខ្លួន៕
ប្រភពពីhttp://news.sabay.com.kh
Posted in 
.jpg)
.jpg)
0 comments:
Post a Comment