ថ្មីៗនេះកម្មករបម្រើការនៅរោងចក្រ Foxcoon ដែលទទួលបន្ទុកដំឡើងiPhone ឱ្យ Apple បានបង្ហើបថា iPhone ជំនាន់ក្រោយដែលហៅឈ្មោះថា iPhone 6 នឹងចេញមកជាមួយអេក្រង់ពីរទំហំដែលមួយ ៤,៧អ៊ីញ និងមួយទៀត៥,៧អ៊ីញ។
យោងតាមព័ត៌មានផ្ដល់ចេញពីគេហទំព័រចិន Weibo ឱ្យដឹងថា និយោជិកមួយចំនួនដែលធ្វើការក្នុងរោងចក្រតៃវ៉ាន់ Foxconn បានបង្ហើបថា ចង្វាក់ផលិតកម្ម iPhone នឹងត្រូវបែកចែកជាពីរម៉ូដែលមានទំហំខុសគ្នាគឺ ៤,៧អ៊ីញ និង ៥,៧អ៊ីញ។ លក្ខណៈសម្បត្តិថ្មីផ្សេងទៀតដែលរំពឹងមាននៅលើ iPhone 6 គឺបច្ចេកវិទ្យា Eye ID retina scan សម្រាប់ស្កេនភ្នែកដើម្បី unlock ទូរសព្ទជំនួសមុខងារស្កេនម្រាមដៃដែលមាននៅលើ iPhone 5S សព្វថ្ងៃ។
មតិមួយចំនួនលើកឡើងថា Apple គួរតែដល់ពេលតាមឱ្យទាន់យុគសម័យអេក្រង់ធំបំពាក់លើ smart device ហើយ ព្រោះបើតាមមើលទីផ្សារឧបករណ៍អេឡិចត្រូនិកនៅឆ្នាំ២០១៣ ឃើញសម្បូរដោយអេក្រង់ធំៗដែលជាតម្រូវការរបស់អ្នកប្រើប្រាស់។ ក្រុមហ៊ុនទូរសព្ទដ៏ល្បីមូលដ្ឋាននៅអាមេរិកនេះ បានផលិត Smartphone អេក្រង់ ៣,៥អ៊ីញតាំងពីជំនាន់ iPhone original ឬ iPhone 2G រហូតដល់ iPhone 4S លុះចេញចាប់ពី iPhone 5 ទើបពង្រីកដល់ ៤អ៊ីញ
ប្រភពពីhttp://news.sabay.com.kh
0 comments:
Post a Comment