RSS Feed
Twitter
Friday, January 03, 2014
Unknown
ក្រុមហ៊ុន Nokia ត្រូវគេរាយការណ៍មកថា កំពុងដុតដៃដុតជើងក្នុងចង្វាក់ផលិតកម្ម Android Smartphone។ វាពិតជាចម្លែកដែលក្រុមហ៊ុនទូរសព្ទហ្វាំងឡង់ Nokia បានលក់ផលិតផល និងសេវាកម្មរបស់ខ្លួនឱ្យទៅ Microsoft ហើយនោះ មិនប្រើ Windows Phone តែបែរជាប្រើ Android OS របស់ Google ទៅវិញ។
មិនខុសពីចចាមអារ៉ាមមុនៗនេះ ទូរសព្ទ Nokia ដែលប្រើ Android គឺមានលេខកូដ “Normandy”។ ក្រឡេកមើលរូបភាពខាងលើ ឃើញទូរសព្ទដែលបែកធ្លាយនេះ មាន UI ដូចនឹងប្រព័ន្ធប្រតិបត្តិការ Android ហើយឃើញមានសេវាទូរសព្ទពីរកន្លែងដែលជាទូទៅបញ្ជាក់ថាជាទូរសព្ទស៊ីមពីរ។ ជាប្រភេទទូរសព្ទ touchscreen ហើយមានប៊ូតុងតែមួយនៅផ្នែកមុខ។
យោងតាមប្រភពកៀកកិតនឹងគម្រោងផលិត “Nokia Nomandy” ឱ្យដឹងថា ទូរសព្ទនេះនឹងដំណើរការប្រភេទ “forked” Android platform ដូច្នេះមិនអាចភ្ជាប់ទៅកាន់ Google Play នោះទេ។ ទូរសព្ទក្រោមលេខកូដ ‘Normandy’ នេះត្រូវរំពឹងថា នឹងជាទូរសព្ទធន់មធ្យមរបស់ Nokia ស៊េរី Asha ដំណើរការជា Series 40 ប៉ុន្តែគាំទ្រកម្មវិធី Android application មួយចំនួនបាន។
ការសន្និដ្ឋានពីមជ្ឈដ្ឋានខ្លះលើកឡើងថា ប្រសិន Nokia ចង់រក្សាក្ដីសង្ឃឹមចុងក្រោយឱ្យបាននោះ លុះត្រាតែចាប់ដៃគូថ្មីដោយយកAndroid OS របស់ Google មកបំពាក់នៅលើ Smart Device របស់ខ្លួន ហើយដែលគម្រោងនេះមិនមានជាប់ពាក់ព័ន្ធជាមួយ Microsoft៕
ប្រភពពីhttp://news.sabay.com.kh
Posted in 
.jpg)
.jpg)
0 comments:
Post a Comment