RSS Feed
Twitter
Friday, January 03, 2014
Unknown
លោក Sullivan Eav តារាសម្ដែង កូនខ្មែរកាត់អ៊ីតាលី ដែលទស្សនិកជនមួយចំនួនធ្លាប់ស្គាល់ តាមរយៈការសម្ដែង ខារ៉ាអូខេ ក្នុងបទមួយចំនួនរបស់ផលិតកម្មរស្មីហង្សមាស និង ស្ប៉តពាណិជ្ជកម្មមួយចំនួនកន្លងមកនោះ បាននិយាយប្រាប់ Sabay ថា អត់ចង់ទៅស្រុកកំណើតនៅឯប្រទេសបារាំងវិញឡើយ គឺលោកចង់រស់នៅស្រុកខ្មែរច្រើនជាង
ក្នុងបទសម្ភាសជាមួយSabay កាលពីម្សិលមិញ លោក Sullivan Eav បានឲ្យដឹងថា លោកគឺជាកូនខ្មែរ កាត់អ៊ីតាលី ដោយឪពុករបស់លោក គឺជាជនជាតិខ្មែរ ដែលមានដើមកំណើត ក្នុង ស្រុក កំពង់ត្រាច ខេត្ត កំពត ចំណែកម្ដាយរបស់ លោក គឺជាជនជាតិ អ៊ីតាលី ប៉ុន្តែក្រុមគ្រួសាររបស់លោក ទៅរស់នៅ ប្រទេសបារាំង។ លោកគឺជាកូនទី២ នៅក្នុងគ្រួសារ ក្នុង ចំណោមបងប្អូន៣ នាក់ ប្រុស១ និងស្រី២។
លោកបានឲ្យដឹងទៀតថា ជារៀងរាល់ឆ្នាំនៅពេលវិស្សមកាលម្ដងៗ ក្រុមគ្រួសាររបស់លោកតែងតែមករស់នៅប្រទេសកម្ពុជា ១-២ ខែ ក្រោយពីបញ្ចប់ពីរដូវវិស្សមកាល ទើបទៅរស់នៅ និងធ្វើការនៅប្រទេសបារាំងវិញ។
កូនកាត់អ៊ីតាលីរូបនេះ បានបន្តថា ដើមឡើយលោក គឺជាកីឡាករ នៅក្នុងក្រុមបាល់ទាត់មួយ ក្នុងប្រទេសបារាំង ប៉ុន្តែដោយលោកមានបញ្ហាជង្គង់ លោកក៏បានឈប់ពីក្រុមមួយនោះ ហើយទៅបម្រើ ការងារនៅក្រុមហ៊ុនធានារ៉ាប់រងមួយនៅ ប្រទេសរុស្សី។
Sullivan Eav ប្រាប់ថា លោកបានធ្វើការនៅប្រទេសរុស្សីជាង ២ឆ្នាំ ដោយសារតែមានចិត្តស្រលាញ់ប្រទេសកម្ពុជា តាំងពីតូចមក លោកក៏បានសម្រេចចិត្តមករស់នៅប្រទេសកម្ពុជា ។ មកទល់ពេលនេះលោកបានទិញផ្ទះមួយនៅតំបន់ទួលគោក បានជិត៣ឆ្នាំមកហើយ ដោយបច្ចុប្បន្នលោក កំពុងរស់នៅជាមួយបងប្អូនជីដូនមួយ២នាក់ផ្សេងទៀត មកពីខេត្ត កំពត ដែលមកបន្ត ការសិក្សានៅភ្នំពេញ ដោយលោក គីជា អ្នកទទួលរ៉ាប់រង។
ចំពោះការបោះជំហានចូលវិស័យសិល្បៈវិញ លោកSullivan Eav បានឲ្យដឹងថា ដំបូងឡើយលោក បានស្គាល់អ្នកគ្រប់គ្រងនៅក្នុងផលិតកម្មរស្មីហង្សមាស ដោយអ្នកគ្រប់គ្រងនៅក្នុងផលិតកម្មមួយនោះ ចាប់អារម្មណ៍ លោក ក៏បានអនុញ្ញាត ឲ្យលោកថត ខារ៉ាអូខេ សាកល្បង។
លោកថា លោកចង់សាកការងារជាអ្នកសិល្បៈនេះ ព្រោះនៅប្រទេសបារាំង មិនងាយ នឹងមានឱកាស បានថតបែបនេះ ក៏សម្រេចសាកល្បងលមើល។ ដោយមានទំនាក់ទំនងជាមួយអ្នកដឹកនាំវិស័យសិល្បៈកាន់តែច្រើនទៅៗ និងឱកាសចេះតែហុចឲ្យផងនោះ លោកSullivan Eav ចាប់ផ្ដើមដណ្ដើមទីផ្សារសិល្បៈជាបណ្ដើរៗហើយនាពេលបច្ចុប្បន្ននេះ។
បច្ចុប្បន្នតារាសម្ដែងកូនខ្មែរកាត់អ៊ីតាលីរូបនេះ បានមានមុខក្នុងការសម្ដែង ខារ៉ាអូខេ និងស្ប៉តពាណិជ្ជកម្មជាច្រើន។ អ្វីដែលពិសេសជាងនេះទៅទៀតនោះ ថ្មីៗនេះលោកទើបតែក្ដាប់បានតំណែងតួឯក ក្នុងខ្សែភាពយន្តមួយ ដែលមានឈ្មោះថា “ស្រមោលគ្រោះ”។ ក្នុងសាច់រឿងមួយនេះ មានតួឯករហូតដល់ទៅ៣គួ មាន កញ្ញា ម៉ាក់ សែនសូនីតា កញ្ញា ព្រះកាយ ចន្ទ័ កញ្ញា នៅ សូនីតា លោក អេឡិច ច័ន្ទត្រា លោក អ៊ុន សុធា និង រូបលោក ហើយគ្រោងចាក់បញ្ចាំងនៅ ថ្ងៃទី២៤ ខាងមុខនេះ។
លោកSullivan Eav ប្រាប់ថា លោកមានការពិបាកខ្លះក្នុងការសម្ដែងសិល្បៈ ព្រោះលោកមិនសូវនិយាយភាសាខ្មែរច្បាស់។ អ្វីដែលពិសេសជាងនេះទៅទៀតនោះ លោកមិនមានពេលគ្រប់គ្រាន់ ក្នុងការថត ព្រោះការថតមួយចំនួនកន្លងមកត្រូវបានធ្វើឡើងនៅពេលយប់ ហើយចំពេលដែលលោកធ្វើការនៅក្លឹបរាត្រី។
លោកប្រាប់បន្ថែមទៀតថា ក្រោយពីបានប្រលូកសិល្បៈមួយរយៈ លោកពិតជាស្រលាញ់ការងារមួយនេះណាស់ ហើយលោកមានបំណងចាប់យកអាជីពមួយនេះទៀត ប៉ុន្តែប្រសិនការថតណា ទាក់ទងនឹងពេលយប់នោះ គឺលោក ត្រូវពិចារណាសិន។ លោកបានប្រាប់ជាចុងក្រោយថា លោកនឹងបន្តរស់នៅ ក្នុងប្រទេសកម្ពុជា មិនទៅរស់នៅ ប្រទេសបារាំងវិញនោះឡើយ៕
ប្រភពពីhttp://news.sabay.com.kh
ក្នុងបទសម្ភាសជាមួយSabay កាលពីម្សិលមិញ លោក Sullivan Eav បានឲ្យដឹងថា លោកគឺជាកូនខ្មែរ កាត់អ៊ីតាលី ដោយឪពុករបស់លោក គឺជាជនជាតិខ្មែរ ដែលមានដើមកំណើត ក្នុង ស្រុក កំពង់ត្រាច ខេត្ត កំពត ចំណែកម្ដាយរបស់ លោក គឺជាជនជាតិ អ៊ីតាលី ប៉ុន្តែក្រុមគ្រួសាររបស់លោក ទៅរស់នៅ ប្រទេសបារាំង។ លោកគឺជាកូនទី២ នៅក្នុងគ្រួសារ ក្នុង ចំណោមបងប្អូន៣ នាក់ ប្រុស១ និងស្រី២។
លោកបានឲ្យដឹងទៀតថា ជារៀងរាល់ឆ្នាំនៅពេលវិស្សមកាលម្ដងៗ ក្រុមគ្រួសាររបស់លោកតែងតែមករស់នៅប្រទេសកម្ពុជា ១-២ ខែ ក្រោយពីបញ្ចប់ពីរដូវវិស្សមកាល ទើបទៅរស់នៅ និងធ្វើការនៅប្រទេសបារាំងវិញ។
កូនកាត់អ៊ីតាលីរូបនេះ បានបន្តថា ដើមឡើយលោក គឺជាកីឡាករ នៅក្នុងក្រុមបាល់ទាត់មួយ ក្នុងប្រទេសបារាំង ប៉ុន្តែដោយលោកមានបញ្ហាជង្គង់ លោកក៏បានឈប់ពីក្រុមមួយនោះ ហើយទៅបម្រើ ការងារនៅក្រុមហ៊ុនធានារ៉ាប់រងមួយនៅ ប្រទេសរុស្សី។
Sullivan Eav ប្រាប់ថា លោកបានធ្វើការនៅប្រទេសរុស្សីជាង ២ឆ្នាំ ដោយសារតែមានចិត្តស្រលាញ់ប្រទេសកម្ពុជា តាំងពីតូចមក លោកក៏បានសម្រេចចិត្តមករស់នៅប្រទេសកម្ពុជា ។ មកទល់ពេលនេះលោកបានទិញផ្ទះមួយនៅតំបន់ទួលគោក បានជិត៣ឆ្នាំមកហើយ ដោយបច្ចុប្បន្នលោក កំពុងរស់នៅជាមួយបងប្អូនជីដូនមួយ២នាក់ផ្សេងទៀត មកពីខេត្ត កំពត ដែលមកបន្ត ការសិក្សានៅភ្នំពេញ ដោយលោក គីជា អ្នកទទួលរ៉ាប់រង។
ចំពោះការបោះជំហានចូលវិស័យសិល្បៈវិញ លោកSullivan Eav បានឲ្យដឹងថា ដំបូងឡើយលោក បានស្គាល់អ្នកគ្រប់គ្រងនៅក្នុងផលិតកម្មរស្មីហង្សមាស ដោយអ្នកគ្រប់គ្រងនៅក្នុងផលិតកម្មមួយនោះ ចាប់អារម្មណ៍ លោក ក៏បានអនុញ្ញាត ឲ្យលោកថត ខារ៉ាអូខេ សាកល្បង។
លោកថា លោកចង់សាកការងារជាអ្នកសិល្បៈនេះ ព្រោះនៅប្រទេសបារាំង មិនងាយ នឹងមានឱកាស បានថតបែបនេះ ក៏សម្រេចសាកល្បងលមើល។ ដោយមានទំនាក់ទំនងជាមួយអ្នកដឹកនាំវិស័យសិល្បៈកាន់តែច្រើនទៅៗ និងឱកាសចេះតែហុចឲ្យផងនោះ លោកSullivan Eav ចាប់ផ្ដើមដណ្ដើមទីផ្សារសិល្បៈជាបណ្ដើរៗហើយនាពេលបច្ចុប្បន្ននេះ។
បច្ចុប្បន្នតារាសម្ដែងកូនខ្មែរកាត់អ៊ីតាលីរូបនេះ បានមានមុខក្នុងការសម្ដែង ខារ៉ាអូខេ និងស្ប៉តពាណិជ្ជកម្មជាច្រើន។ អ្វីដែលពិសេសជាងនេះទៅទៀតនោះ ថ្មីៗនេះលោកទើបតែក្ដាប់បានតំណែងតួឯក ក្នុងខ្សែភាពយន្តមួយ ដែលមានឈ្មោះថា “ស្រមោលគ្រោះ”។ ក្នុងសាច់រឿងមួយនេះ មានតួឯករហូតដល់ទៅ៣គួ មាន កញ្ញា ម៉ាក់ សែនសូនីតា កញ្ញា ព្រះកាយ ចន្ទ័ កញ្ញា នៅ សូនីតា លោក អេឡិច ច័ន្ទត្រា លោក អ៊ុន សុធា និង រូបលោក ហើយគ្រោងចាក់បញ្ចាំងនៅ ថ្ងៃទី២៤ ខាងមុខនេះ។
លោកSullivan Eav ប្រាប់ថា លោកមានការពិបាកខ្លះក្នុងការសម្ដែងសិល្បៈ ព្រោះលោកមិនសូវនិយាយភាសាខ្មែរច្បាស់។ អ្វីដែលពិសេសជាងនេះទៅទៀតនោះ លោកមិនមានពេលគ្រប់គ្រាន់ ក្នុងការថត ព្រោះការថតមួយចំនួនកន្លងមកត្រូវបានធ្វើឡើងនៅពេលយប់ ហើយចំពេលដែលលោកធ្វើការនៅក្លឹបរាត្រី។
លោកប្រាប់បន្ថែមទៀតថា ក្រោយពីបានប្រលូកសិល្បៈមួយរយៈ លោកពិតជាស្រលាញ់ការងារមួយនេះណាស់ ហើយលោកមានបំណងចាប់យកអាជីពមួយនេះទៀត ប៉ុន្តែប្រសិនការថតណា ទាក់ទងនឹងពេលយប់នោះ គឺលោក ត្រូវពិចារណាសិន។ លោកបានប្រាប់ជាចុងក្រោយថា លោកនឹងបន្តរស់នៅ ក្នុងប្រទេសកម្ពុជា មិនទៅរស់នៅ ប្រទេសបារាំងវិញនោះឡើយ៕
ប្រភពពីhttp://news.sabay.com.kh
Posted in 
.jpg)
.jpg)
0 comments:
Post a Comment