ភ្នាក់ងាររបស់ខ្សែប្រយុទ្ធ Mario Balotelli បង្ហើបឱ្យដឹងថាកីឡាករជម្រើសជាតិអ៊ីតាលីរូបនេះចង់ផ្លាស់ចេញពីក្រុម AC Milan ក្នុងឱកាសទីផ្សារដោះដូរកីឡាករខែមករាឆ្នាំ២០១៤។
ប្រភពព័ត៌មានក្នុងប្រទេសអ៊ីតាលីរាយការណ៍ថាម្ចាស់ក្លិប AC Milan លោក Silvio Berlusconi អស់ទ្រាំចំពោះកីឡាករដែលមានចរិតប្លែកៗពិបាកស្មានវ័យ២៣ឆ្នាំរូបនេះហើយ និងបានប្រាប់អនុប្រធានក្លិប លោក Adriano Galliani ឱ្យលក់កីឡាករម្នាក់នេះទៅប្រសិនបើគេឱ្យថ្លៃ២៥លានអឺរ៉ូ (៣៤,៥លានដុល្លារ) ឬច្រើនជាងនេះ។
ស្របគ្នានេះដែរ លោក Mino Raiola ដែលជាភ្នាក់ងាររបស់ Balotelli និយាយថា អតីតសមាជិកក្លិប Lumezzane, Inter Milan និង Manchester City ខាងលើក៏ចង់ចាកចេញពី San Siro នាដើមឆ្នាំថ្មីខាងមុខនេះដែរ។ លោក Raiola បន្ថែមថាលោកនៅមិនទាន់ដឹងថាកីឡាករដែលមានស្រុកកំណើតក្នុងទីក្រុង Palermo នឹងទៅលេងនៅទីណាទេ ប៉ុន្តែ Chelsea គឺជាជម្រើសមួយ ប៉ុន្តែក្រុមនៃក្របខ័ណ្ឌ Premier League មិនទាន់ដាក់សំណើដេញថ្លៃជាផ្លូវការនៅឡើយទេ៕
ប្រភពពីhttp://news.sabay.com.kh
0 comments:
Post a Comment