ផល​រំខាន ១០​យ៉ាង​ដែល​អាច​កើតមាន​លើ​អ្នក​សាក់​

ការ​សាក់​អាច​មើលទៅ​ឃើញ​ល្អ ហើយ​ក៏​ច្រើន​តែ​ឃើញ​នៅ​លើ​អ្នក​បង្ហាញ​ម៉ូត​ផងដែរ​។ ជនជាតិ​អាមេរិក​ឃើញថា​មាន​ចំនួន​អ្នក​ចូលចិត្ត​សាក់​រូប​លើ​រាងកាយ​ខ្ពស់​ជាង​គេ​បំផុត​តែម្តង​។ ដូច្នេះ​មាន​ហេតុផល​មួយ​ចំនួន​ដែល​អាច​ចាត់ទុកថា​ការ​សាក់​រូប​មិន​ល្អ​ចំពោះ​រូបអ្នក​ឡើយ​។​ ​ឆ្លង​រោគ​ដូច​ជា​ជំងឺអេដស៍ និង​ជំងឺ​រលាក​ថ្លើម​ជាដើម​ដោយសារ​តែ​ការប្រើ​ម្ជុល​រួមគ្នា​ ​ការប្រើ​ម្ជុល​ដែល​ប្រើ​ម្តង​រួច​ហើយ​សម្រាប់​ធ្វើកា​រសាក់​រូប​អាច​បណ្តាលអោយ​ឆ្លង​ជំងឺ​ធ្ងន់ធ្ងរ​បាន​ដូច​ជា ជំងឺអេដស៍ និង​ជំងឺ​រលាក​ថ្លើម​បាន​។ មនុស្ស​គួរតែ​ចៀសវាង​ការ​សាក់​រូប​នៅ​កន្លែង​ដែល​គ្មាន​ច្បាប់ទម្លាប់​ត្រឹមត្រូវ​ដើម្បី​កុំអោយ​អាច​ឆ្លង​ជំងឺ​ទាំងនេះ​បាន​។​ ​មានប្រតិកម្ម​អាឡែ​ហ្ស៊ី​នឹង​ទឹក​ថ្នាំសា​ក់​រូប​ជា​លក្ខណៈ​បណ្តោះអាសន្ន និង​ជាប់​រហូត​ ​បើសិន​ជា​មនុស្ស​ម្នាក់​មាន​ប្រតិកម្ម​នឹង​ទឹក​ថ្នាំ​សាក់​រូប ពួកគេ​ប្រហែលជា​មិន​ដឹង​អំពី​រឿង​នេះ​ផង​លុះត្រាតែ​ពួកគេ​ទៅ​សាក់​រូប​លើ​រាងកាយ​។ ការសិក្សា​បាន​អោយដឹងថា ទឹក​ថ្នាំ​ពណ៌​ក្រហម និង​លឿង​ច្រើនតែ​បណ្តាល​អោយ​មាន​ប្រតិកម្ម​អាឡែ​ហ្ស៊ី​ចំពោះ​ស្បែក ប៉ុន្តែ​ចំពោះ​ទឹក​ថ្នាំ​ពណ៌​ខ្មៅ​, ស្វាយ និង​បៃតង​វិញ​មិន​សូវ​ជា​មាន​ប្រតិកម្ម​ឡើយ​។ ប្រតិកម្ម​ទាំងនេះ​ជាទូទៅ​បង្កឡើង​ដោយ​ការប៉ះពាល់​នឹង​ពន្លឺព្រះអាទិត្យ​។​ ​សន្លាក​ ​ការ​សាក់​រូប​លើ​រាងកាយ​ប្រហែលជា​ធ្វើអោយ​ជាលិកា​លើ​ខ្លួន​ទៅ​ជា​សន្លាក​បាន​។ នៅពេល​រាងកាយ​ត្រូវ​ការបញ្ចេញ​សារធាតុ​ក្រៅពី​រាងកាយ (​ទឹក​ថ្នាំ​)​ចោល ដុំៗ​ដែល​ចេញពី​ស្បែក​ប្រហែល​ជា​បង្កើត​ចេញ​ជា​រូបរាង​នៅ​ជុំវិញ​កន្លែង​ដែល​សាក់​នោះ​។ បញ្ហា​ស្បែក​មួយចំនួន​ក៏​អាច​ទៅ​ជា​ធ្ងន់ធ្ងរ​ទៅៗ​ដោយសារតែ​ការ​សាក់​ផងដែរ​។​ ​ការបង្ក​រោគ​នៅ​ស្បែក​ ​កន្លែង​សាក់​រូប​អាច​ឆ្លង​រោគ​បាន​ទោះបីជា​ម្ជុល​នោះ​ត្រូវបាន​ស្លាប់​មេរោគ​ហើយ​ក៏​ដោយ​។ រឿង​នេះ​អាច​កើតឡើង​បាន​លុះត្រាតែ​ទឹក​ថ្នាំ​មាន​មេរោគ​បាក់តេរី​នៅក្នុង​នោះ​ស្រាប់​។ រោគសញ្ញា​នៃ​ការបង្ក​រោគ​មានដូចជា កន្ទួល​ក្រហម​លើ​ស្បែក​, ហើម និង​ឈឺចាប់​។ វា​អាច​មាន​ការបង្ក​រោគ​នេះ​រយៈពេល​ពី ២ ទៅ​៣​សប្តាហ៍​ដែរ​។​ ​មាន​ផលវិបាក​ពេល​ថត MRI ​ការ​ហើម ឬ​រលាក​អាច​កើតមាន​នៅ​លើ​កន្លែង​ដែល​សាក់​រូប​ក្នុងពេល​ដែល​អ្នកជំងឺ​ត្រូវ​ការថត MRI (Magnetic Resonance Imaging)​។ ការបង្កើត​នូវ​ទឹកខ្មៅ​សម្រាប់​សាក់​រូប​អាច​ក្លាយទៅជា​បញ្ហា​បាន​ដោយសារ​តែ​ទឹកខ្មៅ​នោះ​ផ្ទុក​ទៅ​ដោយ​ជាតិ Iron Oxide ដូច្នេះ​ជាតិ Iron នោះ​នឹង​ត្រូវ​ក្តៅ​នៅ​ពេល​ប៉ះ​នឹង​កាំរស្មី​របស់​ម៉ាស៊ីន MRI​។ ប៉ុន្តែ​ចំពោះ​ទឹក​ខ្មៅ​ដែល​គេ​ផលិត​ថ្មីៗ​នេះ​វិញ​គឺ​មាន​សុវត្ថិភាព​ជាង​។​ ​ប្រែ​ពណ៌​ស្បែក​ ​នៅត្រង់​ស្បែក​ដែល​សាក់​រូប​រួច​អាច​នឹង​ត្រូវ​ផ្លាស់ប្តូរ​ពណ៌​នៅ​កន្លែង​នោះ​ជាប់​រហូត​តែ​ម្តង​។ ទោះបីជា​ការ​ប្រែ​ពណ៌​ស្បែក​នេះ​ហើរ​ពណ៌​វិញ​យូរ​ហើយ​ក៏​ដោយ ក៏​វា​មិន​អាច​ជួយ​អោយ​ស្បែក​នោះ​វិល​មក​រក​សភាព​ដើម​វិញ​បាន​ដែរ​។ ដូច្នេះ អ្នក​គួរតែ​ចងចាំ​រឿងនេះ​មុន​ពេល​សម្រេច​ចិត្ត​សាក់​រូប​។​ ​ការ​បរិច្ចាក​ឈាម​ ​បើសិន​ជា​អ្នក​បាន​សាក់​រូប​កាលពី​សប្តាហ៍​មុន អ្នក​ប្រហែលជា​មិន​ត្រូវបាន​គេ​អនុញ្ញាត​ដើម្បី​បរិច្ចាក​ឈាម​ឡើយ ព្រោះ​តែ​ខ្លាច​ប្រឈម​នឹង​ការបង្ក​រោគ​។ ដូច្នេះ​ការរង់ចាំ​អាច​មាន​រយៈពេល​យូរ​បើសិនជា​ការ​សាក់​នោះ​មិនបាន​ធ្វើ​ជា​ទៀងទាត់​ទេ​។​ ​ឈាមរាវ​ ​ដំណើរការ​នៃ​ការ​សាក់​រូប​លើ​រាងកាយ​អាច​នឹង​ប៉ះពាល់​ដល់​បរិបទ​នៃ​ការធ្វើ​អោយ​ឈាមកក ព្រោះ​ថា​វា​ធ្វើអោយ​ឈាម​ហូរ​ច្រើន​ពេក​។​ ​មាន​កំណក​ឈាម​ ​កំណក​ឈាម​ប្រហែល​ជា​កើត​មាន​បើសិន​ជា​សរសៃឈាម​ត្រូវ​បាន​ដាច់​ធ្លាយ​ក្នុងពេល​សាក់​រូប​។ កំណក​ឈាម​ទាំងនេះ​អាច​កើតមាន​ជា​លក្ខណៈ​ធំៗ ឬ​ជា​រង្វង់​ស្មើៗ​នៅ​ជុំវិញ​កន្លែង​សាក់​។​ ​ដាក់បន្ទុក​ទៅលើ​ប្រព័ន្ធ​ទឹករងៃ​ ​ការ​រលាក​ប្រហែលជា​កើតមាន​បាន​បើសិនជា​មាន​កំទេចកំទី​ធំៗ​ស្ទះ​នៅក្នុង​កូន​កណ្តុរ​។ ទោះបីជា​យ៉ាងណា​ក៏ដោយ បើសិនជា​កំទេចកំទី​នោះ​តូចៗ​ទេ វា​អាច​នឹង​ធ្វើដំណើរ​បាន​ដោយ​ស្រួល និង​មិន​កកកុញ​ច្រើន​ឡើយ​៕ ប្រភពពីៈhttp://health.com.kh/