តើ​បុរស​មាន​ពង​ទ​ក​(Undescended Testes) អាច​មាន​កូន​បាន​ដែរឬទេ​?

ពងស្វាស់​ត្រូវបាន​បង្កើត​ឡើង នៅក្នុង ពោះ​ខណៈពេលដែល​ទារក​ស្ថិតនៅក្នុង ស្បូន​ហើយ​ជា​ធម្មត​វា​នឹង​ធ្លាក់ចុះ​ចូលទៅក្នុង ស្រោម​នៃ​ពងស្វាស​(scrotum)​នៅ ចុងបញ្ចប់​នៃ​ផ្ទៃពោះ​។​ ​ពេលខ្លះ​ពងស្វាស​មួយ ឬ​ទាំង​ពីរ​មិន​ចុះ​មក​នៅ​ពេល​កើត ឬ​លើស​ពី​ប៉ុន្មាន​ខែ​បន្ទាប់​។ នេះ​ភាគច្រើន​កើត​នៅ​លើ​ទារក​ដែល​កើត​មិន​គ្រប់​ខែ ។​ នេះ​អាច​បណ្ដាលឱ្យមាន​បញ្ហា​ព្រោះ​ប្រសិនបើ​ពងស្វាស​បន្ត​នៅ​ក្នុង​ពោះ​វា​អាច ក្តៅ ពេក​សម្រាប់ ការវិវឌ្ឍ​ជា​ធម្មតា​នៃ​មេ​ជីវិត​ឈ្មោល​។​ ​ប្រសិនបើ​ពងស្វាស​ដែល​មិន​ធ្លាក់​នោះ (undescended testes) មិន​ត្រូវ​បាន​ចុះ នៅ​១ ឬ​២​ឆ្នាំ​ដំបូង​នៃ​ជីវិត​វា​អាចមាន​ផលប៉ះពាល់​ដល់​ការ​មានកូន របស់​ក្មេងប្រុស​ម្នាក់​នោះ​។​ ពងស្វាស​ដែល​មិន​ធ្លាក់ (undescended testes) អាច​មាន​ឱកាស​កាន់តែ​ច្រើន ក្នុង​ការ​កើត​ជំងឺ​មហារីក​នៅក្នុង​ពេល​ពេញវ័យ ប៉ុន្តែ​នេះ​គឺ​នៅតែ​កម្រ​កើត មាន​ណាស់​។​ ​ក្មេងប្រុស​ខ្លះ ពងស្វាស​អាច​ផ្លាស់​ទី​ឡើងលើ​ចេញពី ស្រោម​ពងស្វាស​(scrotum) ចន្លោះ​រវាង​ពី​៥​ទៅ​១០​ឆ្នាំ ដោយសារ​កុមារ​នោះ​លូត​កំពស់​ខ្ពស់​ឡើង​។​ពួក​គេ​គួរតែ​ត្រូវបាន ត្រួតពិនិត្យ​ដោយ វេជ្ជបណ្ឌិត ព្រោះ​ថា​វា អាច​ត្រូវការ ការព្យាបាល ។​ ​ការ​ច្រឹប​យក​សាច់​ពងស្វាស​មក​ពិនិត្យ​បានបង្ហាញ​ថា​កោសិកា​ដែល​បង្កើត​មេ​ជីវិត​ឈ្មោល គឺមាន ចំនួន​ធម្មតា​រហូតដល​អាយុ​៦​ខែ ចំពោះ​កុមារ​ដែល​មាន​ពង​ទ​ក ប៉ុន្តែ​វា​ចាប់ផ្តើម កាត់បន្ថយ​ចំនួន​បន្ទាប់ពី​អាយុ​នេះ​។​ ​នៅ​អាយុ ២​ឆ្នាំ​ជាង​មួយ​ភាគ​បី​នៃ​កុមារ​មាន​ពង​ទ​កបាន​បាត់បង់​កោសិកា​សម្រាប់ បង្កើត​មេ​ជីវិត​ទាំងអស់​។ ប៉ុន្តែ​ចំពោះ​ពងស្វាស​ដែល​ធម្មតា មាន​ចំនួន​មេ​ជីវិត​គ្រប់គ្រាន់​សម្រាប់​ការ​មាន​កូន​ជាធម្មតា​៕ 

ប្រភពពីៈhttp://health.com.kh