RSS Feed
Twitter
Wednesday, December 25, 2013
Unknown
ទើបទទួលបានការចាប់អារម្មណ៍ខ្លាំងពីទស្សនិកជនក្នុងមហោស្រពភាពយន្តអន្តរជាតិកម្ពុជា ពេលនេះ ភាពយន្តខ្មែរ “GEMS ON THE RUN” ឬ “គ្រាប់ពេជ្រ ត្រៀមធ្វើសន្និសីទសារព័ត៌មានថ្ងៃស្អែកនេះហើយ។
កម្មវិធីនេះ នឹងប្រព្រឹត្តទៅនៅរោងភាពយន្ត The Platinum Cineplex វេលាម៉ោង ៥ល្ងាច ហើយគោលបំណងដើម្បីប្រកាសប្រាប់ដល់សាធារណជននូវព័ត៌មានសំខាន់ៗមួយចំនួនពាក់ព័ន្ធនឹងខ្សែរឿងដ៏គួរឲ្យចាប់អារម្មណ៍នេះ។ ជាមួយគ្នានេះ វាគ្មិនសំខាន់មួយចំនួន រួមមានអ្នកដឹកនាំរឿង តួសម្ដែង និងបុគ្គលពាក់ព័ន្ធមួយចំនួនទៀត ដូចជាថ្នាក់ដឹកនាំក្រុមហ៊ុន Sabay ជាដើម ត្រៀមផ្តល់ចម្លើយតបទៅចម្ងល់អ្នកសារព័ត៌មាន។
“GEMS ON THE RUN” គឺជាខ្សែរឿងដំបូងបំផុតរបស់ផលិតកម្ម ៣៩១ ហើយតាមការបញ្ជាក់របស់លោក សុខ វិសាល អ្នកនិពន្ធ និងដឹកនាំរឿងនេះ បានបញ្ជាក់កន្លងមកថា “GEMS ON THE RUN” គឺរឿងដ៏ល្អមួយរបស់ខ្មែរ ជាក់ស្តែង វាបានទទួលការគាំទ្ររួចហើយ ក្នុងមហោស្រពភាពយន្តអន្តរជាតិកម្ពុជាកន្លងទៅថ្មីៗនេះ ដោយទស្សនិកជនបានសរសើរមិនដាច់ពីមាត់ថា “ល្អមើល” សូម្បីតែអ្នកដឹកនាំ លោក សុខ វិសាល បានអះអាងថា ការសម្រួលបច្ចេកទេសមិនទាន់រួចរាល់១០០% ក៏ដោយ។
ទន្ទឹមនឹងការទទួលបានជោគជ័យនៅជំហានដំបូងនេះ ភាពយន្តខ្មែរយើង “GEMS ON THE RUN” ឬ “គ្រាប់ពេជ្រ” គ្រោងនឹងយកទៅដាក់បញ្ចាំងនៅបរទេសថែមទៀតផង។ ដូច្នេះ ចង់ដឹងថា អ្នកនិពន្ធ មានអ្វីចង់បកស្រាយបន្ថែមក្នុងសន្និសីទសារព័ត៌មានថ្ងៃស្អែកនេះ សូមរង់ចាំតាមដានទាំងអស់គ្នា។
បន្ទាប់ពីសន្និសីទសារព័ត៌មានថ្ងៃស្អែកនេះ ហើយ “GEMS ON THE RUN” ឬ “គ្រាប់ពេជ្រ” នឹងដាក់បញ្ចាំងនៅដើមខែមករា ២០១៤ ខាងមុខ៕
ប្រភពពីៈsabay.com.kh
Posted in 
.jpg)
0 comments:
Post a Comment