ភោជនីយដ្ឋាន​ក្នុង​ល្អាង​ភ្នំ​ដ៏​រ៉ូមែនទិក បើ​បាន​ទៅពិត​​មិន​អាច​បំភ្លេច​បាន

សណ្ឋាគារ និង​ភោជនីយដ្ឋាន​មួយ​ត្រូវ​បាន​សាងសង់​ឡើង​ក្នុង​ល្អាង​ភ្នំ​មួយ​នៅ​ក្រុង Polignano a Mare ភាគ​ខាង​ត្បូង​ប្រទេស​អ៊ីតាលី។ យោង​តាម​សៀវភៅ​ទេសចរណ៍ Fodor Travel Guideល្អាង​ភ្នំ​នេះ​ត្រូវ​បាន​បោះឆ្នោត​ថា​ជា​ភោជនីយដ្ឋាន​ដែល​រ៉ូមែនទិក​បំផុត​ក្នុង​ពិភពលោក។ សណ្ឋាគារ​ ២០​បន្ទប់​ត្រូវ​បាន​សាងសង់​លើ​ថ្ម​ភ្នំ​ ដែល​បែរ​មុខ​ទៅ​សមុទ្រ​មេឌីទែរ៉ាណេ។ ល្អាង​ភ្នំ​នេះ​មាន​ឈ្មោះ​ថា “The Summer Cave” និង​បើក​បម្រើ​តែ​ក្នុង​រដូវ​ក្ដៅ​តែ​ប៉ុណ្ណោះ គឺ​ចន្លោះ​ពី​ខែ​ឧសភា ដល់​ខែ​តុលា។

តុ និង​កៅអី​ជា​ច្រើន​ត្រូវ​បាន​រៀប​ចំ​ដើម្បី​ទទួល​ស្វាគមន៍​ភ្ញៀវ​ទេសចរណ៍​ មក​ទទួល​ទាន​អាហារ​ពេល​ល្ងាច​ និង​គយគន់​ទេសភាព​សមុទ្រ​ដ៏​ស្រស់​ត្រកាល។ បើ​សិន​ជា​បាន​ទៅ​ញ៉ាំ​អាហារ​ពេល​ល្ងាច​នៅ​ទី​នោះ​ជាមួយ​មនុស្ស​ជាទី​ស្រឡាញ់​ មិន​ដឹង​ជា​រ៉ូមែនទិក​ប៉ុណ្ណា​ទេ… ប្រភពពីៈhttp://news.sabay.com.kh