RSS Feed
Twitter
Tuesday, December 24, 2013
Unknown
រដ្ឋធានីរបស់អ៊ីរ៉ង់ថ្មីអាចនឹងត្រូវសាងសង់នៅទីតាំងថ្មីមួយនៅពេលខាងមុខ ប្រសិនបើសភាអ៊ីរ៉ង់យល់ព្រមអនុម័តលើគម្រោងមួយសម្រាប់ការផ្លាស់ប្ដូរនេះមែននោះ។ នេះបើយោងតាមឲ្យដឹងពីទីភ្នាក់ងារសារព័ត៌មានផ្លូវការរបស់អឺរ៉ង់ IRNA ចេញផ្សាយកាលពីម្សិលមិញ។
ក្នុងកិច្ចប្រជុំរបស់ខ្លួនកាលពីម្សិលមិញ សមាជិកសភាអ៊ីរ៉ង់បានពិភាក្សាដេញដោលលើគម្រោងមួយ ដើម្បីអនុម័តឲ្យមានការផ្លាស់ប្ដូរប្រព័ន្ធរដ្ឋបាលថ្មីនៅទីក្រុងបច្ចុប្បន្នទៅកាន់ទីតាំងថ្មីមួយទៀតនៅពេលខាងមុខ។
គម្រោងខាងលើ បានធ្វើឡើងបន្ទាប់ពីរដ្ឋាភិបាលយល់ឃើញថា ទីក្រុងតេហេរ៉ង់បច្ចុប្បន្នកំពុងប្រឈមមុខខ្ពស់ទៅនឹងការកើនឡើងចំនួនប្រជាជន ការបំពុលបរិស្ថាន បទល្មើស ការស្ទះចរាចរណ៍ និងបញ្ហាផ្សេងៗជាច្រើនទៀត ដែលបានគំរាមកំហែងទីក្រុងទាំងមូលជាបន្តបន្ទាប់ក្នុងរយៈពេលប៉ុន្មានឆ្នាំចុងក្រោយនេះ។
ទោះបីជាយ៉ាងណាក៏ដោយ គេបានមើលឃើញថា គម្រោងនេះពិតជាមានសារសំខាន់សម្រាប់រដ្ឋឥស្លាមនៅដែនមជ្ឈិមបូព៌ាមួយនេះ ខណៈដែលនៅពេលកន្លងមក អ្នកវិភាគសេដ្ឋកិច្ច និងអ្នកនយោបាយរបស់ខ្លួនជាច្រើននាក់ បានរិះគន់ ដោយស្នើសុំឲ្យមានការផ្លាស់ប្ដូររដ្ឋធានីរបស់ខ្លួនទៅទីតាំងថ្មី។ ក៏ប៉ុន្តែ ហិរញ្ញវត្ថុគឺជាឧបសគ្គដ៏ធំក្នុងការសាងសង់រដ្ឋធានីថ្មី នេះប្រសិនបើសភារបស់ខ្លួនយល់ព្រមអនុម័តលើគម្រោងនេះមែននោះ។
បន្ទាប់ពីមានបដិវត្តឥស្លាមតាំងពីឆ្នាំ១៩៧៩ មក គោលនយោបាយសេដ្ឋកិច្ចរបស់អ៊ីរ៉ង់បានធ្វើឲ្យរដ្ឋធានីដ៏ធំបំផុតរបស់ខ្លួនដែលមានប្រជាជនចំនួន ៩លាននាក់កំពុងរស់នៅ មានការអភិវឌ្ឍជាបន្តបន្ទាប់ និងបានជំរុញឲ្យមានចលនាចំណាកស្រុករបស់ប្រជាពលរដ្ឋយ៉ាងគំហុកពីជនបទមករស់នៅក្នុងទីក្រុងមួយនេះ៕
ប្រភពពីៈhttp://news.sabay.com.kh
Posted in 
.jpg)
0 comments:
Post a Comment