រឿង​រ៉ាវ​ចែក​ផ្លូវមិន​គួរ​ឲ្យ​ជឿ​របស់​តារា​ល្បីៗ​ក្នុង​ឆ្នាំ​​ ២០១៣

មួយ​ឆ្នាំ ២០១៣ ​​ដែល​ជិត​នឹង​ដាច់​នា​ប៉ុន្មាន​ថ្ងៃ​ទៀត​​មាន​រឿងរ៉ាវ​ជា​ច្រើន​កើត​ឡើង​ក្នុ​ង​រង្វង់​សិល្បៈ​អន្តរជាតិ។ ​​Sabay សូម​លើក​យក​តែ​រឿងរ៉ាវ​បែកបាក់រ​បស់​​ស្នេហា​តារា​ល្បីៗ​​មក​បង្ហាញ​ឲ្យ​ប្រិយមិត្ត​ដឹង​តែ​ប៉ុណ្ណោះ ​ព្រោះ​ស្នេហា​របស់​អ្នក​ទាំង​នោះ​ត្រូវ​មហាជន​មើល​ឃើញ​ថា ​ផ្អែម​មិន​គួរ​ឲ្យ​ជឿ​ថា ​​មាន​ថ្ងៃ​ប្រាសចាក​ចោល​គ្នា​ទាល់​តែ​សោះ។ តោះ​មើល​មុខ​ពួកគេ! Khloe Kardashian និង Lamar Odom

អាពាហ៍ពិពាហ៍​បួន​ឆ្នាំ​របស់​ប្អូន​ស្រី Kim Kardashian ​និង​តារា​បាល់​បោះ Lamar ​​បាន​ឈាន​ដល់​ផ្លូវ​បំបែក​កាល​ពី​ថ្ងៃ​ទី ១៣ ធ្នូ ​ក្រោម​ហេតុ​ផល​ថា ​រស់នៅ​មិន​ចុះ​សម្រុង​នឹង​គ្នា។ Miranda Kerr ​និង​ Orlando Bloom

តារា​ទាំង​ពីរ​គឺ​ជា​គូស្នេហ៍​ហូលីវូដ​ដែល​គេ​តែង​សរសើរ​ថា ​សក្ដិសម​នឹង​គ្នា​ឥត​ទាស់។ ​​ទោះ​ជា​ចំណង​ស្នេហ៍​របស់​ពួកគេ​ទទួល​បាន​កូន​ប្រុស​អាយុ​ ២ ឆ្នាំ ​​ជា​ចំណង​ដៃ​ក៏​មិន​អាច​ស្រោចស្រង់​សម្ពន្ធភាព​របស់​អ្នក​ទាំង​ពីរ​បាន​ដែរ។ ​ក្រោយ​បែក​គ្នា​បាន​បន្តិច​តារា​ម៉ូដែល Miranda Kerr ​បាន​ទាក់ទង​ជាមួយ​មហាសេដ្ឋី​អូស្ត្រាលី​ដែល​​ទើប​លែងលះ​ប្រពន្ធ​នឹង​កូន​បី​នាក់​ដូចគ្នា​។ ​​Miley Cyrus ​និង​ Liam Hemsworth

តារា​ចម្រៀង​ស្រី​ដែល​ប្ដូរ​អត្តចរិត​ប្លែកៗ​មួយ​រយៈ​ចុងក្រោយ​នេះ​ បាន​ផ្ដាច់​ពាក្យ​ជាមួយ​គូ​ដណ្ដឹង​គឺ​តារា​សម្ដែង ​Liam Hemsworth​មួយ​ខែ​ បន្ទាប់​ពី​ការ​សម្ដែង​ដ៏​រោលរាល​របស់​នាង​នៅ​ក្នុង​កម្មវិធី ​MTV Video Music Awards ​ដែល​បាន​ទទួល​ការ​រិះគន់​យ៉ាង​ចាស់​ដៃ​ពី​បណ្ដាញ​សារព័ត៌មាន។ Taylor Swift និង​​ Harry Styles

ទោះ​ជា​អាជីព​ជា​តារា​ចម្រៀង​ Taylor Swift ​ឈាន​ដល់​ចំណុច​កំពូល​ក្ដី​ តែ​រឿង​ស្នេហា​សម្រាប់​នាង​គឺ​មិន​សូវ​កាក់កប​ទាល់​តែ​សោះ។ ​និយាយ​ឲ្យ​ខ្លី​​ នាង​មាន​មិត្ត​ប្រុស​ ៧ ​នាក់​ ហើយ ​តែ​ចុងក្រោយ​នៅ​តែ​បែក​បាក់​ដដែល។ ​មិត្ត​ប្រុស​ចុងក្រោយ​គឺ​ Harry Styles ​តារា​ចម្រៀង​ក្រុម​ One Direction ​​បាន​បោះបង់​នាង​ចោល ​ធ្វើ​ឲ្យ​នាង​ខូច​ចិត្ត​រហូត​សរសេរ​បទ​ចម្រៀង​ថ្មី​មួយ​បទ​ទៀត​គឺ​បទ “I Knew You Were in Trouble”។ Britney Spears ​និង​ Jason Trawick

​​​តារា​ទាំង​ពីរ​បាន​ទាក់ទង​គ្នា​តាំង​ពី​ឆ្នាំ ២០០៩ ​មក។ ​​តែ​ផ្លូវ​បំបែក​របស់​អ្នក​ទាំង​ពីរ​បាន​លេច​ចេញ​ជា​រូបរាង​ឡើង​នៅ​ពេល Britney ​បាន​និយាយ​នឹង​ទស្សនាវដ្ដី People ​ថា៖ “Jason ​និង​ខ្ញុំ​បាន​សម្រេច​ចិត្ត​ផ្ដាច់​ពាក្យ​នឹង​គ្នា។ ​ខ្ញុំ​នឹង​នៅ​តែ​រាប់​អាន​គាត់ ​ហើយ​នៅ​តែ​ជា​មិត្ត​ល្អ​នឹង​គ្នា”។ Justin Bieber និង​ Selena Gomez

ការ​បែក​គ្នា​របស់​តារា​វ័យ​ក្មេង​ទាំង​ពីរ​​ជា​រឿង​ដ៏​រសើប​ក្នុង​ពិភព​សិល្បៈ​អន្តរជាតិ។ ​មូលហេតុ​ដែល​នាំ​ឲ្យ​អ្នក​ទាំង​ពីរ​សម្រេច​ដើរ​ផ្លូវ​រៀង​ខ្លួន​​ត្រូវ​មតិ​ភាគច្រើន​​ថា​ ផ្ដើម​ចេញ​​ពី​ការ​ប្រចណ្ឌ។ ជា​រឿយៗ​ Justin Bieber ​ហាក់​មាន​ទំនាក់ទំនង​ជាមួយ​ស្រី​ក្មេងៗ។ ​​ចាប់​តាំង​ពី​បែក​គ្នា​មក​ JB ​ហាក់​ធ្វើ​រឿង​ប្លែកៗ ​មិន​សមរម្យ​ដែល​តែង​តែ​ធ្វើ​ឲ្យ​រូបគេ​ហ៊ុមព័ទ្ធ​ដោយ​រឿង​អាស្រូវ​ឥត​ដាច់។ George Clooney ​និង​ Stacy Keibler

ទោះ​ជា​ Stacy Keibler ជោគជ័យ​ក្រាស់ក្រែល​ក្នុង​អាជីព​ជា​តារា​ម៉ូដែល​ក្ដី ​តែ​នាង​នៅ​តែ​មិន​អាច​យក​ឈ្នះ​ចិត្ត​ Clooney ​ជា​នារី​ចុងក្រោយ​របស់​តារា​ ៥២ ​ឆ្នាំ​នេះ​បាន​ដដែល។ ទី​បំផុត​ពួកគេ​នៅ​តែ​ដាច់​គ្នា​ក្នុង​នាម​ជា​គូ​ស្នេហ៍។ Robert Pattinson និង ​Kristen Stewart

​ការ​បែកបាក់​របស់​គូ​ស្នេហ៍​តួឯក​រឿង​ល្បី “Twilight” ​បាន​បង្ក​ភាព​ភ្ញាក់ផ្អើល​ជា​ខ្លាំង​ដល់​បណ្ដា​អ្នក​គាំទ្រ​ និង​សាធារណជន។ ​​ភាព​ប្រេះ​ស្រាំ​នេះ​ផ្ដើម​ចេញ​ដំបូង​ដោយ​សារ​តារា​ស្រី​ Kristen Stewart ​លួច​ទាក់ទង​ និង​ថើប​ជាមួយ​បុរស​ខាងក្រៅ។ ​​កាន់​តែ​ច្បាស់​គឺ ​នៅ​ពេល​ខួប​កំណើត​របស់​នាង​ Pattinson ​មិន​បាន​បង្ហាញ​ខ្លួន​នោះ​ទេ។ ​​បន្ទាប់​ពី​នោះ​ តារា​ស្រី​ដ៏​ស្រស់​ស្អាត​រូប​នេះ​បាន​ប្រកាស​សូម​ទោស​ជា​សាធារណៈ​ដល់​ Pattinson ​ដោយ​និយាយ​ថា ​នាង​មិន​អាច​រស់នៅ​ដោយ​គ្មាន​គាត់​បាន​ទេ។ ​តែ​មួយ​រយៈ​ចុងក្រោយ​ ហាក់​មាន​សញ្ញាណ​បង្ហាញ​ថា ​ពួកគេ​លួច​ទាក់ទង​គ្នា​ស្ងាត់ៗ​វិញ​ហើយ។ ​ចាំ​មើល​ថា ​ពួកគេ​អាច​ត្រឡប់​ទៅ​ជានា​គ្នា​វិញ​ដែរ​ឬ​អត់? ​Ryan Seacrest ​និង​ Julianne Hough

​ពិធីករ​ដ៏​ល្បីល្បាញ​របស់​កម្មវិធី American Idol ​លោក​ Ryan Seacrest ​បាន​ចែក​ផ្លូវ​គ្នា​ជាមួយ​មិត្ត​ស្រី​រយៈពេល​ពីរ​ឆ្នាំ​ទាល់​តែ​បាន ​ដោយ​សំអាង​ទៅ​លើ​ហេតុផល​ថា ​មមាញឹក​នឹង​ការងារ​ខ្លាំង​គ្មាន​ពេល​សម្រាប់​នាង។ ក្នុង​ចំណោម​គូស្នេហ៍​ខាង​លើ ​តើ​គូស្នេហ៍​​ណា​ខ្លះ​ដែល​ប្រិយមិត្ត​ចង់​ឲ្យ​ត្រឡប់​ជួបជុំ​គ្នា​វិញ? ប្រភពពីៈhttp://news.sabay.com.kh