គួរ​ឲ្យ​​ភ្ញាក់​ផ្អើល​ការ​ធ្លាក់​ថ្លៃ​យ៉ាង​ខ្លាំង​ទូរសព្ទ​ស៊េរី​ថ្មី​ Lumia 1020

ពិត​ជា​គួរ​ឲ្យ​ចាប់​អារម្មណ៍​​សម្រាប់​ហាង​ឆេង​ទូរសព្ទ​​ថ្ងៃ​​នេះ ខណៈ​ដែល​ទូរសព្ទ​ស៊េរី​ថ្មីៗ​​របស់​ក្រុមហ៊ុន​នានា​​ហាក់​នៅ​ទ្រឹង តែ​បែរ​ជា Lumia 1020 របស់ Nokia បាន​​ធ្លាក់ថ្លៃ​​​យ៉ាង​ខ្លាំង​ទៅ​វិញ។

Lumia 1020 ដែល​ល្បី​​ខ្លាំង​ខាង​កាមេរ៉ា​​បាន​ធ្លាក់​នៅ​សល់​តែ​​ប្រហែល ៧៦០ ដុល្លារ​តែ​ប៉ុណ្ណោះ ខណៈ​ដែល​សប្តាហ៍​មុន​តម្លៃ​លក់​ជាង ៨០០ ដុល្លារ​។​ នេះ​បើ​ផ្អែក​ហាង​ឆេង​តម្លៃ​លក់​នៅ​ហាង​​សុខ​ លី។ Lumia 1020 ត្រូវ​ Nokia ចាត់​ទុក​ថា​ជា​អាវុធ​ដ៏​មុត​ស្រួច​ដើម្បី​យក​ទៅ​តតាំង​ផលិតផល​គូ​ប្រជែង​​ដូចជា Galaxy S4 របស់ Samsung និង iPhone 5S របស់ Apple។ ទោះ​បី​ Lumia 1020 បាន​ធ្លាក់​ថ្លៃ​​យ៉ាង​គំហុក​បែប​នេះ​ក្តី ប៉ុន្តែ​បើ​ធៀប​គូ​ប្រជែង​ដូចជា Galaxy S4 របស់ Samsung តម្លៃ​នៅ​តែ​ខ្ពស់​ជាង ដោយ Galaxy S4 ត្រូវ​គេ​ដាក់​លក់​ក្នុង​តម្លៃ​ជាង​ ៥៥០ ដុល្លារ​ប៉ុណ្ណោះ។ យ៉ាង​ណា តម្លៃ​នេះ​​ហាក់​កំពុង​តែ​ប្រជែង​ទូរសព្ទ​ស៊េរី​ថ្មី​ iPhone 5S របស់ Apple ដែល​ទំហំ 16 GB ត្រូវ​លក់​ក្នុង​តម្លៃ​ជាង ៧២០ ដុល្លារ​។ សម្រាប់​ហាង​ឆេង​តម្លៃ​ទូរសព្ទ​ថ្មីៗ​គ្រប់​ស៊េរី​គ្រប់​ម៉ាក​ដទៃ​ទៀត សូម​រង់ចាំ​នៅ​ពេល​បន្តិច​ទៀត​នេះ។ ប្រភពពីៈhttp://news.sabay.com.kh