RSS Feed
Twitter
Tuesday, December 24, 2013
Unknown
ក្រោយត្រឡប់មកពីយុទ្ធនាការកីឡាស៊ីហ្គេមឆ្នាំ២០១៣ ដែលរៀបចំនៅប្រទេសមីយ៉ាន់ម៉ា វិញកាលពីយប់ថ្ងៃទី ២៣ ធ្នូ កន្លងទៅ នៅល្ងាចថ្ងៃទី ២៤ ធ្នូ ម្សិលមិញលោកឧកញ៉ា រ័ត្ន សាខន ប្រធានសហព័ន្ធកីឡាវ៉ូវីណាមកម្ពុជា បានកោះហៅកីឡាករកីឡាការិនីដែលឈ្នះមេដាយឱ្យចូលជួប នៅគេហដ្ឋានរបស់លោក។
តំណាងកីឡាករកីឡាការិនីមួយបានស្នើសុំឱ្យលោកឧកញ៉ា បង្កើតឱ្យមានជាក្លិបដើម្បីពង្រឹងសមត្ថភាពកីឡាករបន្ថែម ក៏ដូចជាបណ្ដោះថ្នាលជំនាន់ក្រោយ ហើយសន្យាថានឹងខិតខំហ្វឹកហាត់បន្ថែមដើម្បីដណ្ដើមបានមេដាយនៅប្រកួតខាងមុខទៀត។
លោក ទេព ជីវសុខុម គ្រូបង្វឹកវ៉ូវីណាមក្រុមជម្រើសជាតិបានលើកឡើងថា លោករីករាយដែលសិស្សដណ្ដើមបានមេដាយត្រឡប់មកជូនជាតិមាតុភូមិវិញ ហើយលោកនឹងខិតខំប្រឹងប្រែងដឹកនាំបង្កើតសមត្ថភាពដល់សិស្ស។
លោកឧកញ៉ា រ័ត្ន សាខន ប្រធានសហព័ន្ធបានផ្ដាំផ្ញើទៅកីឡាករកីឡាការិនីដែលឈ្នះមេដាយមិនត្រូវអួតថាខ្លួនខ្លាំង ខ្លួនពូកែ ភ្លេចខ្លួននោះទេ ត្រូវខិតខំហ្វឹកហាត់បន្ថែមដើម្បីជោគជ័យលើកក្រោយទៀត ព្រោះមុននឹងទទួលបានជោគជ័យប៉ុណ្ណឹង សហព័ន្ធក៏ចាប់ផ្ដើមកសាងខ្លួនពីដៃទទេដែរ។
ស៊ីហ្គេមឆ្នាំនេះវ៉ូវីណាមដណ្ដើមបានមេដាយចំនួន ១០ គ្រឿងរួមមានមេដាយមាស ២ គ្រឿង ប្រាក់ ១ និង សំរឹទ្ធ ៧ គ្រឿង៕
ប្រភពពីៈhttp://news.sabay.com.kh
Posted in 
.jpg)
0 comments:
Post a Comment