កប៉ាល់​អាយុ ១០២​ឆ្នាំ​ ក្លាយ​ជា​ព្រៃ​អណ្ដែត​ទឹក​ដ៏​ស្រស់​ត្រកាល

វា​ជា​រឿង​ដ៏​អស្ចារ្យ​​ កប៉ាល់​ដែល​ត្រូវ​គេ​បោះបង់​ជា​យូរ​មក​ហើយ ឥលូវ​នេះ​បាន​ក្លាយ​ជា​ព្រៃ​អណ្ដែត​ទឹក​ដែល​អាច​ទាក់ទាញ​អ្នក​ទស្សនា​ជា​ច្រើន​មក​ពី​គ្រប់​ទី​កន្លែង​នៃ​ពិភពលោក។ កប៉ាល់​ចំណាស់​នេះ​មាន​ឈ្មោះ​ថា SS Ayrfield ស្ថិត​នៅ​ឈូង​សមុទ្រ Homebush ក្នុង​ទីក្រុង​ Sydney ប្រទេស​អូស្ត្រាលី។ កប៉ាល់​នេះ​ មាន​អាយុ​កាល ១០២ឆ្នាំ​ហើយ ហើយ​ដោយ​សារ​ពេល​នេះ​វា​មាន​ដើមឈើ​ដុះ​ពាសពេញ​ទើប​អ្នក​នៅ​តំបន់​នេះ​ហៅ​វា​ថា ព្រៃ​អណ្ដែត​ទឹក កប៉ាល់ SS Ayrfield ត្រូវ​បាន​គេ​ប្រើ​ប្រាស់​សម្រាប់​ដឹកជញ្ជូន​ធ្យូង​ថ្ម ពី Newcastle ទៅ​ Sydney និង​ដឹក​សព្វាវុធ​សម្រាប់​ទាហាន​អាមេរិកាំង​នៅ​មហា​សមុទ្រ​ប៉ាស៊ីហ្វិក។ នៅ​ឆ្នាំ ១៩៧២ កប៉ាល់​នេះ​ត្រូវ​បាន​នាំ​យក​មក​ឈូង​សមុទ្រ​ Sydney ​វិញ​ដើម្បី​ជួសជុល ក៏​ប៉ុន្តែ​ការ​ជួសជុល​បែរ​ជា​ត្រូវ​ផ្អាក​។ ចាប់​ពី​ពេល​នោះ​មក SS Ayrfield និង​កប៉ាល់​ផ្សេងៗ​ទៀត​ដែល​គេ​បាន​ប្រើប្រាស់​ក្នុង​សម័យ​សង្គ្រាម​លោក​លើក​ទី២ ក៏​ត្រូវ​បាន​គេ​បោះបង់​ចោល​។ ភ្ញៀវ​ទេសចរណ៍​ជាច្រើន​បាន​ធ្វើ​ដំណើរ​មក​កាន់​ឈូង​សមុទ្រ​នេះ​ដើម្បី​ផ្ដិត​យក​រូបភាព​ ព្រៃ​អណ្ដែត​ទឹក​នេះ។ ខាង​ក្រោម​នេះ​គឺ​ជា​រូបថត​ស្អាតៗ​ដែល​គេ​បាន​ថត​ពី​ទីនោះ៖

ប្រភពពីៈhttp://news.sabay.com.kh