Apple ស្នើ​សុំប៉ាតង់​ថ្មី២ សម្រាប់​ផលិតផល​ប្រភេទ​ថ្មី​របស់​ខ្លួន

កាលពីប៉ុន្មានសប្ដាហ៍មុននេះ មានធ្លាយព័ត៌មានថា ក្រុមហ៊ុន Apple នឹងបង្ហាញផលិតផលប្រភេទថ្មី នៅឆ្នាំក្រោយ ដែលមិនជា iPhone, iPad, iPod និង Mac នោះទេ ដែលធ្វើឲ្យអ្នកគាំទ្រ និងមហាជនមានការ សង្ស័យយ៉ាងខ្លាំងថាវាជាអ្វី។ នៅពេលនេះ វាហាក់ស្របនឹងព័ត៌មានខាងលើ ដោយសារតែប្រភព ព័ត៌មានច្បាស់ការណ៍ មួយបានរាយការណ៍មកថា ក្រុមហ៊ុន Apple បានស្នើសុំប៉ាតង់ថ្មីចំនួន ២ សម្រាប់ផលិតផល ប្រភេទថ្មីរបស់ខ្លួន ដែលមួយពាក់ព័ន្ធ នឹងចង្វាក់បេះដួង និងមួយទៀតពាក់ព័ន្ធនឹងអេក្រង់។ ប្រភពដដែលបានបន្តទៀតថា ផលិតផលថ្មីរបស់ក្រុមហ៊ុន Apple នឹងបង្ហាញខ្លួននៅឆ្នាំ ២០១៤ ប៉ុន្តែមិនច្បាស់ថាវាគឺជា iWatch ឬមួយយ៉ាងណានោះទេ។ ក្រុមអ្នកវិភាគបានលើកឡើងថា បើសិនជាប៉ាតង់ថ្មីពាក់ព័ន្ធ នឹងចង្វាក់បេះដួង នោះវាអាចជាស្មាមតហ្វូន ប៉ុន្តែជាស្មាតហ្វូនសេរីថ្មី ខុសប្លែកពីស្មាតហ្វូនបច្ចុប្បន្ន។ គួរបញ្ជាក់ផងដែរថា រាល់ផលិតផល របស់ក្រុមហ៊ុន Apple នីមួយៗត្រូវបានបង្កើត ឡើងដោយចិត្តទុកដាក់ និងសមស្របទៅតាម តម្រូវការរបស់អ្នក៕

ប្រភពពីៈhttp://www.lookingtoday.com