RSS Feed
Twitter
Tuesday, December 24, 2013
Unknown
ក្នុងចំណោម៤៧មេដាយរបស់ក្រុម កម្ពុជា ពីស៊ីហ្គេម២០១៣ដែលទើបបញ្ចប់ក្ដៅៗនៅមីយ៉ាន់ម៉ា ៥មេដាយពោល មាស១ ប្រាក់២និងសំរឹទ្ធ២ ជាចំណែកដែលធ្វើបានដោយក្រុម តេក្វាន់ដូ។ ទំព័រនេះ Sabay សូមបង្ហាញជូនកីឡាការិនីតេក្វាន់ដូ ឆ្នើម៤រូប ដែលបានយកមេដាយនៅស៊ីហ្គេម២០១៣ឲ្យកម្ពុជាដូចខាងក្រោម៖
ស៊ន សៀវម៉ី៖ ប្រជែងយកបានមេដាយមាសដំបូងរបស់ខ្លួននៅស៊ីហ្គេមក្រោយឈ្នះវគ្គផ្ដាច់ព្រ័ត្រលើកីឡាការិនីឥណ្ឌូណេស៊ី Selviana Angelia Jehabut ក្នុងទម្ងន់៦៧-៧៣គីឡូក្រាម។ វាជាការបើកកំណត់ត្រាមាសរបស់នាង ខណៈកាលស៊ីហ្គេម២០១១កីឡាការិនីកម្ពស់១៨០សង់ទីម៉ែត្រយកបានមេដាយសំរឹទ្ធ។
ស៊ន ដាវីន៖ នាងជាបងស្រីបង្កើតរបស់ ស៊ន សៀវម៉ី ដែលបានឈ្នះមេដាយប្រាក់ទម្ងន់៧៣+ គីឡូក្រាមក្រោយចាញ់យ៉ាងប្រផុតប្រផើយបំផុតក្រោមថ្វីដៃកីឡាការិនីម្ចាស់មេដាយមាស៥សម័យរបស់ហ្វីលីពីន Kristie Elaine Alora នៅវគ្គផ្ដាច់ព្រ័ត្រ។ កីឡាការិនីវ័យ២១កាលស៊ីហ្គេម២០១១ ក៏យកបានមេដាយប្រាក់ដូចលើកនេះដែរ។
ឈឿង ពុទ្ធារីម៖ មិនមែនជារឿងថ្មីទេដែល ពុទ្ធារីម ឈ្នះមេដាយសំរឹទ្ធនៅស៊ីហ្គេមដែលទើបបញ្ចប់នៅ មីយ៉ាន់ម៉ា ពោលការចូលរួមស៊ីហ្គេម៤លើកកន្លងទៅ កីឡាការិនីមានប្រភពមកពីខេត្តពោធិ៍សាត់រូបនេះ ធ្លាប់ឈ្នះមេដាយសំរឹទ្ធ៣លើករួចមកហើយ។
ឈឿង លីណា៖ កីឡាការិនីតូចច្រឡឹងវ័យ១៨ឆ្នាំយកបានមេដាយសំរឹទ្ធក្នុងវិញ្ញាសាសម្ដែងឯកត្តជន។ មេដាយមាសវិញ្ញាសានេះបានទៅកីឡាការិនីម្ចាស់ផ្ទះ មីយ៉ាន់ម៉ា ខណៈប្រាក់បានទៅកីឡាការិនី សិង្ហបុរី។
ឈឿង លីណា (អាវខៀវ)
ប្រភពពីៈhttp://news.sabay.com.kh
Posted in 
.jpg)
0 comments:
Post a Comment