RSS Feed
Twitter
Monday, December 23, 2013
Unknown
ដោយសារតែមិនជឿ និងមិនចាប់អារម្មណ៍លើអប្បិយជំនឿខណៈខ្លួនកំពុងថតរឿងបុរាណ បាននាំលោក អ៊ុន សុទ្ធា ភ្លាត់ជួបគ្រោះថ្នាក់ក្នុងឈុតសម្ដែងមួយនៃរឿង “វិញ្ញាណលោកម្ចាស់គ្រញូង”។
ហេតុការណ៍នេះ បានបណ្តាលលោក អ៊ុន សុទ្ធា រងគ្រោះដាច់សាច់ប្រវែងមួយថ្នាំងដៃដោយសារត្រូវហ្នឹងផ្លែព្រួញហូរឈាមខ្លាំង ហើយចុងក្រោយត្រូវបង្ខំចិត្តផ្អាកការសម្ដែងមួយរយៈពេលខ្លី។នេះបើតាមការបញ្ជាក់របស់តួឯកប្រុសរូបនេះ។
ពាក់ព័ន្ធនឹងបញ្ហានេះ លោក សុទ្ធា បានរៀបរាប់ថា នៅថ្ងៃមួយនោះលោក និងក្រុមការងារត្រូវថតបញ្ចប់ឈុតចុងក្រោយនៃរឿង ដែលជាឈុតឆាកប្រយុទ្ធគ្នា។ នៅមុនពេលចាប់ផ្តើមថត អ្នកមីងជាអ្នកតុបតែងសំលៀកបំពាក់ឲ្យបានក្រើនរំលឹក លោក ថាថតរឿងបុរាណពាក់ព័ន្ធនឹងព្រលឹងវិញ្ញាណអីចឹង គប្បីអុជអូបសុំជាការល្អ។ ប៉ុន្តែមិនជាចាប់អារម្មណ៍ លោកក៏អត់អុជ ទើបកើតជារឿងតែម្តង។
លោក អ៊ុន សុទ្ធា បន្តថា ក្នុងឈុតហ្នឹងសាច់រឿង គឺលោកតម្រូវឲ្យត្រូវហ្នឹងផ្លែព្រួញរបស់សត្រូវមែន ប៉ុន្តែតាមបច្ចេកទេស គឺមិនចាំបាច់ឲ្យត្រូវមែនទែននោះទេ គឺឲ្យអ្នកគប់ព្រួញ គប់បង្ខុសប៉ុណ្ណោះ តែនេះ គឺត្រូវមែនទែនតែម្តងរហូតដាច់សាច់ហូរឈាម។ តារាសម្ដែងខ្ពស់ស្រឡះរូបនេះ ថ្លែងថា “ពេលត្រូវភ្លាម ខ្ញុំបានស្តីទៅអ្នកគប់ថា មកពីបងអ្ហែងគប់ដៃពីរបានរបួសអីចឹង តែអ្នកគប់ថា គាត់គប់តែដៃមួយទេ អ្នកផ្សេងទៀតក៏ថាអីចឹងដែរ និយាយទៅមានតែខ្ញុំម្នាក់ឯងទេ ដែលឃើញថា គាត់គប់ដៃពីរ ដល់អីចឹងខ្ញុំលែងហ៊ាននិយាយតែម្តង!”។
ម្ចាស់ពានអាណាចក្រតារា រូបនេះបញ្ជាក់បន្ថែមថា “ដល់អីចឹង បានខ្ញុំនឹកឃើញដល់សំដីអ្នកស្រីអ្នកតុបតែងសំលៀកបំពាក់ ហើយខ្ញុំក៏ជឿថា វាជារឿងមិនអាចកាត់ផ្តាច់បានមែន!”។ ឈុតឆាកវាយតប់របស់លោក អ៊ុន សុទ្ធា ត្រូវសម្រេចផ្អាកដោយសារស្នាមរបួសហូរឈាមខ្លាំង រហូតដល់២ថ្ងៃក្រោយទើបអាចថតបន្តទៀតបាន។
បើទោះបច្ចេកវិទ្យាមានការវិវឌ្ឍ ប៉ុន្តែអប្បិយជំនឿនៅតែដើរទន្ទឹមគ្នា ជាក់ស្តែងនៅក្នុងការថតភាពយន្តនេះ បើទោះជាថតរឿងអ្វីក៏ដោយ ចាំបាច់ធ្វើពិធីក្រុងពាលីសុំសុខសប្បាយដែរ។ វិលមកក្នុងរឿង “វិញ្ញាណលោកម្ចាស់គ្រញូង” ក៏ដូចគ្នា អ្នកស្រី ពាន់ ភួងបុប្ផា ប្រាប់ថា ក្រៅពីក្រុងពាលីចាប់ផ្តើមថតពីដំបូង សូម្បីតែឈុតមួយនៅវត្តជន្លង់ម្លូកណ្តាលព្រៃ ក៏អ្នកស្រីអញ្ជើញគ្រូអាចារ្យមកធ្វើពិធីសុំសេចក្តីសុខដល់ក្រុមការងារដែរ មិនអាចកាត់ផ្តាច់បានឡើយ។
អត្ថបទ៖ អ្នកនិពន្ធ៖ ដើរសួរអ្នកស្រុកទើបចេញជារឿង “វិញ្ញាណលោកម្ចាស់គ្រញូង”
“វិញ្ញាណលោកម្ចាស់គ្រញូង” ជាភាពយន្តដំបូងដែលឆ្លុះបញ្ចាំងពីទុក្ខខ្លោចផ្សារបស់ឈើគ្រញូងដែលរងការកាប់បំផ្លាញ ក្នុងន័យនេះអ្នកស្រី ពាន់ ភួងបុប្ផា ចង់បំផុសស្មារតីប្រជាជនខ្មែរឲ្យចេះស្រឡាញ់ព្រៃឈើខ្មែរ ថែរក្សាពួកគេដូចថែរក្សាសាច់ញាតិ ជាមួយសារអប់រំថា “បើអ្នករក្សាព្រៃឈើ នោះព្រៃឈើនឹងរក្សាអ្នកវិញ”។
ភាពយន្តដ៏ពិសេសនេះ នឹងដាក់បញ្ចាំងជូនទស្សនិកជនបានទស្សនាចាប់ពីថ្ងៃទី ២៧ ធ្នូ ឆ្នាំ២០១៣ នេះតទៅនៅរោងភាពយន្តលុច្សរាជធានីភ្នំពេញ និងរោងភាពយន្តបារាយណ៍អណ្ដែតខេត្តសៀមរាប៕
ប្រភពពី http://news.sabay.com.kh
Posted in 
.jpg)
.jpg)
0 comments:
Post a Comment