RSS Feed
Twitter
Sunday, January 05, 2014
Unknown
.jpg)
ការគ្រប់គ្រងទម្ងន់គឺជាអ្វីៗទាំងអស់ដែលអាចធ្វើអោយមានការផ្លាស់ប្តូររបស់តូចតាចតែអាចជួយអោយអ្នករស់រានមានជីវិតជាមួយវាបានរហូត។ នៅពេលអ្នកអាចធ្វើការផ្លាស់ប្តូររឿងតិចតួចទាំងនេះក្នុងរបៀបរស់នៅបានហើយ អ្នកនឹងចាប់ផ្តើមមើលឃើញថានឹងមានការកាត់បន្ថយកាឡូរីបានច្រើន និងស្រកទម្ងន់បានច្រើនប៉ុណ្ណាហើយ។ ខាងក្រោមនេះគឺជាការបង្ហាញអំពីទម្លាប់ខ្លះៗដែលជួយអោយសុបិន្តនៃការសម្រកទម្ងន់របស់អ្នកក្លាយជាការពិតបាន។
វាយតម្លៃទៅលើទម្លាប់នៃការញ៉ាំអាហារ
តើអ្នកកំពុងតែញ៉ាំអាហារនៅពេលយប់ជ្រៅ, ឆ្លៀតញ៉ាំអាហារពេលកំពុងចំអិនអាហារ, បញ្ចុកបាយអោយកូនដែរទេ? ចូរក្រលែកមើលជុំវិញខ្លួនបន្តិច ហើយពេលនោះវានឹងងាយស្រួលក្នុងការសម្គាល់ដឹងនូវអាកប្បកិរិយាមួយចំនួនតូចដែលអ្នកអាចផ្លាស់ប្តូរបាន ដើម្បីបន្ថយចំនួនកាឡូរីក្នុងរបបអាហារ។
បើសិនជាមិនអាចរៀបគម្រោងបាន ចូររៀបគម្រោងសម្រាប់ការខកខាន
អ្នកត្រូវតែមានវិធីសាស្ត្រមួយសម្រាប់ចំណីអាហារ និងអាហារសម្រន់។ ចូរយកអាហារសម្រន់ដែលផ្តល់នូវសុខភាពមកតាមខ្លួនគ្រប់ពេល ហើយពេលនោះអ្នកក៏ដឹងថាអ្នកឃ្លានដែរ ប៉ុន្តែអ្នកពិតជាអាចចៀសផុតពីទម្លាប់គម្រោងញ៉ាំអាហារដែលមិនល្អចំពោះសុខភាពបានយ៉ាងងាយដែរ។
ចូរទៅទិញឥវ៉ានគ្រប់ពេលដែលអ្នកឆ្អែតហើយជានិច្ច
ការដែលទៅទិញគ្រឿងធ្វើម្ហូបអាហារទាំងឃ្លាន គឺជារឿងមួយនាំអោយមានគ្រោះមហន្តរាយកើតមានបាន។ ការដែលទិញគ្រឿងធ្វើម្ហូរដោយមានការរៀបចំតារាងម្ហូបរួចអាចជួយអោយការទិញនោះមានចំនួនតិចតួចបំផុត។ ការញ៉ាំអាហារបានត្រឹមត្រូវចាប់ផ្តើមមានជាមួយនឹងអាហារផ្តល់សុខភាពដែលអ្នករក្សាទុកក្នុងទូរទឹកកក និងប្រឆាំងនឹងទម្លាប់នៃការនាំចូលនូវអាហារដែលមិនមានសុខភាព។
ញ៉ាំអាហារអោយបានទៀងទាត់
ចូរស្វែងរយល់នូវភាពញឹកញាប់នៃរបបអាហារណាមួយដែលល្អចំពោះជិវិតអ្នកបំផុត ហើយចូរធ្វើរឿងនេះជាប់រហូត។ ការញ៉ាំអាហារទៀងទាត់អាចជួយអោយអ្នកឆ្អែត, មិនអោយលើសជាតិស្ករក្នុងឈាម និងបង្ការកុំអោយមានភាពមរមាញឹកនឹងការផឹកស៊ីពេក។
អង្គុយញ៉ាំអាហារលើតុ
ការញ៉ាំអាហារពេលកំពុងធ្វើអ្វីផ្សេងដូចជា និយាយទូរស័ព្ទ ឬអានសៀវភៅ ឬឈរអាចធ្វើអោយអ្នកញ៉ាំរហូតដល់ភ្លេចខ្លួនបាន។ ប៉ុន្តែការដែលអង្គុយញ៉ាំអាហារបានត្រឹមត្រូវ និងមិនធ្វើអ្វីនោះអាចជួយអោយអ្នកញ៉ាំអាហារបានតិចជាងញ៉ាំអាហារពេលធ្វើអ្វីផ្សេង។
ញ៉ាំយឺតៗ, ស្រង់រស់ជាតិរបស់អាហារ
ចូរព្យាយាមសម្រាកពេលទំពារអាហារ និងផឹកទឹកសិនទៅពេលកំពុងតែទទួលទាន ព្រោះវាជាដំណើរការមួយជួយអោយអ្នកបន្ថយល្បឿននៃការញ៉ាំអាហារ និងអាចអោយខ្លួនឯងមានអារម្មណ៍ថាឆាប់ឆ្អែតមុនពេលមិនទាន់ញ៉ាំជ្រុល៕
ប្រភពពីhttp://www.health.com.kh
Posted in 
.jpg)
.jpg)
0 comments:
Post a Comment