RSS Feed
Twitter
Friday, January 03, 2014
Unknown
ស្ថានីយទូរទស្សន៍ខេមរភូមិន្ទប៉ុស្តិ៍លេខ ៥ បានចាប់ផ្ដើមចាក់ផ្សាយភាពយន្តភាគរបស់ថៃជាថ្មីនៅមួយរយៈកាលចុងក្រោយនេះ ខណៈដែលស្ថានីយដទៃទៀតកំពុងតែពេញនិយមភាពយន្តចិន ឬកូរ៉េនោះ។
“ក្បូនជីវិត” ជាភាពយន្តដែលស្ថានីយខាងលើកំពុងចាក់ផ្សាយជារៀងរាល់ល្ងាចដោយទទួលបានការពេញនិយមពីប្រជាពលរដ្ឋខ្មែរទៀតផង។ នេះមិនមែនជារឿងថ្មីទេ សម្រាប់បណ្ដាប៉ុស្តិ៍ទូរទស្សន៍នៅក្នុងប្រទេសកម្ពុជា ព្រោះធ្លាប់បានក្លាយជាទីពេញនិយមបំផុតក្នុងស្រទាប់មហាជនខ្មែរនៅអំឡុងទសវត្ស ១៩៩០។
.jpg)
កាលពីថ្ងៃទី ២៨ ខែមករា ឆ្នាំ ២០០៣ រាជរដ្ឋាភិបាលកម្ពុជាបានសម្រេចផ្អាកការចាក់ផ្សាយ គ្រប់ភាពយន្តរបស់ថៃនៅគ្រប់ស្ថានីយទូរទស្សន៍ខ្មែរទូទាំងប្រទេសកម្ពុជា រហូតមកដល់បច្ចុប្បន្ននេះ។
អន្តរកាលនេះ បានធ្វើឲ្យវិស័យភាពយន្តក្នុងស្រុកចាប់ផ្ដើមកម្រើកឡើងវិញ ដោយមានផលិតករភាគច្រើនងាកមកថតភាពយន្តផ្ទាល់ខ្លួនវិញ ដើម្បីប្រជែងជាមួយភាពយន្តរបស់កូរ៉េ ចិន ហុងកុង ឬឥណ្ឌាជាដើម។ ហើយចំនួននេះមានការកើនឡើងជាលំដាប់ និងមានផលិតករកាន់តែច្រើន។
នៅមិនទាន់ដឹងនៅឡើយថា តើការចាក់ផ្សាយភាពយន្តថៃជាថ្មីរបស់ស្ថានីយទូរទស្សន៍ខាងលើបានទទួលការអនុញ្ញាតពីរាជរដ្ឋាភិបាល ឬក្រសួងមន្ទីរដែលពាក់ព័ន្ធយ៉ាងណានោះ។ មហាជនមួយចំនួនបានលើកឡើងថា ប្រសិនបើមានការអនុញ្ញាតជាទូទៅ ប្រហែលជាមិនយូរទេ នឹងមានការហូរចូលយ៉ាងភ្លូកទឹកភ្លូកដីដូចពីមុន ដែលអាចជាឧបសគ្គមួយសម្រាប់ការអភិវឌ្ឍវិស័យភាពយន្តខ្មែរមិនខាន។
ប៉ុន្តែបើយោងតាមឯកឧត្ដម ស៊ិន ចន្ទសាយ៉ា ប្រធាននាយកដ្ឋានភាពយន្ត នៃក្រសួងវប្បធម៌ ធ្លាប់បានមានប្រសាសន៍ថា លោកកំពុងមានផែនការជាច្រើនដើម្បីអភិវឌ្ឍវិស័យភាពយន្តខ្មែរ។ ក្រសួងមានគម្រោងបង្កើតព្រឹត្តិការណ៍មួយចំនួនដើម្បីបណ្ដុះបណ្ដាលជំនាញភាពយន្តដល់កូនខ្មែរជំនាន់ក្រោយ ដោយអញ្ជើញអ្នកជំនាញភាពយន្តមកចែករំលែកបទពិសោធន៍ធ្វើយ៉ាងណាឲ្យពូកគេមានសមត្ថភាពអាចប្រកួតប្រជែងបាន៕
ប្រភពពីhttp://news.sabay.com.kh
Posted in 
.jpg)
.jpg)
0 comments:
Post a Comment