ឈឺ​លិង្គ​ដោយសារ​រួមភេទ​គួរ​ធ្វើ​ដូចម្តេច​?

ភាគច្រើន​នៃ​មូលហេតុ​ធ្វើ​អោយ​ឈឺ​លិង្គ​គឺ​ដោយសារតែ​ការ​រួមភេទ​យូរពេក​។ រឿង​នេះ​កើតឡើង​ជាពិសេស​លើ​បុរស​វ័យក្មេង​។ បើសិន​ជា​អ្នក​មិន​ធ្លាប់​រួមភេទ​ពីមុនមក​ទេ បទពិសោធន៍​ជា​លើកដំបូង​របស់​អ្នក​ទំនងជា​អាច​ធ្វើអោយ​អ្នក​ឈឺចាប់​បន្តិចបន្តួច​បាន នេះ​ដោយសារតែ​មាន​ការ​កកិត​។ ​ជាមួយគ្នានេះដែរ បើសិនជា​អ្នក​រួម​ភេទ​រយៈពេល​យូរ ស្បែក​របស់​លិង្គ​នឹង​មាន​ប្រតិកម្ម​នឹង​ការ​កកិត​ទាំងនេះ និង​ធ្វើអោយ​ឈឺ​ចាប់បាន​។ ការឈឺចាប់​ប្រហែលជា​កើតមាន​កាន់តែ​ច្រើន​បើសិនជា​ការ​រួមភេទ​នេះ​មាន​លក្ខណៈ​ខ្លាំងក្លា​ពេក​។ ​ការប្រើ​ដៃ​សម្រេច​កាម​ដោយ​ខ្លួន​ឯង​យូរ​ពេក​ក៏​អាច​ធ្វើអោយ​ឈឺចាប់​បានដែរ​។ ការ​រួមភេទ​ធ្វើអោយ​ឈឺ​លិង្គ​តែ​ម្តងនោះ​ច្រើនតែ​ប៉ះពាល់​ទៅលើ​ស្បែក​គ្រប​ក្បាល​លិង្គ​។ ​ការព្យាបាល​ ​បើសិន​ជា​អ្នក​ឈឺ​លិង្គ​ដោយសារតែ​ការ​រួមភេទ​យូរពេក អ្នក​មិន​ចាំបាច់​ធ្វើការ​ព្យាបាល​អ្វីដែល​ពិសេសៗ​នោះទេ​។ គ្រាន់តែ​សម្រាក ឬ​ផ្អាក​ការ​រួមភេទ​រយៈពេល​ពី​រ​បី​ថ្ងៃ​ទៅ​បាន​ហើយ​។ ​នៅ​ពេល​អ្នក​ត្រឡប់​ទៅ​រួមភេទ​វិញ ចូរ​ធ្វើ​វា​ដោយ​មួយៗ​។ មិន​ត្រូវ​បន្ត​ការ​រួមភេទ​រហូតដល់​ច្រើន​ម៉ោង​ឡើយ​។ មួយវិញទៀត​វា​គ្មាន​គ្រោះថ្នាក់​អ្វី​ដែរ​ក្នុង​ការ​ប្រាប់​អោយ​ដៃគូ​ធ្វើ​អ្វីៗ​ជាមួយ​អ្នក​ដោយ​ថ្នមៗ​៕

 ប្រភពពីៈhttp://health.com.kh