សញ្ញា​ដែល​ស្ត្រី​គ្រប់រូប​គួរ​យល់​ដឹង​អំពី​អា​ការៈត្រៀម​មក​រដូវ​

ចង្កោម​រោគសញ្ញា​ត្រៀម​មក​រដូវ ឬ PMS (Premenstrual Syndrome) គឺជា​រោគសញ្ញា​មិន​សប្បាយ​ចិត្ត​មួយ​ក្រុម​ដែល​ទាក់ទង​នឹង​វដ្ត​រដូវ​របស់​មនុស្ស​ស្រី ដែល​ជា​ធម្មតា​វា​តែង​កើត​មាន​រយៈពេល​ពី​មួយ​ទៅ​ពីរ​សប្តាហ៍​មុន​ពេល​ចាប់ផ្តើម​មក​រដូវ​។ រោគសញ្ញា​របស់​នៃ​ការត្រៀម​មក​រដូវ​អាច​មាន​លក្ខណៈ​ខុសៗ​គ្នា​ពី​មនុស្ស​ស្រី​ម្នាក់​ទៅ​មនុស្ស​ស្រី​ម្នាក់ទៀត ហើយ​ភាព​ធ្ងន់ធ្ងរ​របស់​វា​ក៏​ខុសៗ​គ្នា​ដែរ​។ រោគសញ្ញា​ត្រៀម​មក​រដូវ​អាចមាន​ទាំង​សញ្ញា​ផ្លូវកាយ និង​ផ្លូវចិត្ត​។​ រោគសញ្ញា​នៃ​ការត្រៀម​មក​រដូវ​ដែល​គេ​ជួប​ប្រភេទ​ជា​ញឹកញាប់​បំផុត​មានដូចជា ឈឺ​ពោះ​, អារម្មណ៍​ប្រែប្រួល​, អស់កម្លាំង​, ថប់​អារម្មណ៍​, ឈឺក្បាល​, បាក់​ទឹកចិត្ត​, ហើម​ពោះ និង​ទល់លាមក ឬ​រាគ​។ សញ្ញា​ផ្សេងៗ​ទៀត​ច្រើន​តែ​មាន​ដូចជា ឈឺ​សន្លាក់​, ដេក​មិន​បាន​, ចំណង់​អាហារ​ប្រែប្រួល​, ឃ្លាន​អាហារ​, មាន​សម្ពាធ​ក្នុង​ខ្លួន​, ចេះ​តែ​ចង់​យំ និង​តឹង ឬ​ឈឺ​សុដន់​។ ពេលខ្លះ ស្ត្រី​ដែល​មាន​បញ្ហា​ត្រៀម​មក​រដូវ​សម្គាល់​ឃើញថា​ពួកគេ​មាន​ការពិបាក​ក្នុងការ​ផ្ចង់អារម្មណ៍ ឬ​មាន​បញ្ហា​ជាមួយនឹង​ការចងចាំ​ពេល​មាន​រោគសញ្ញា​៕ ប្រភពពីៈhttp://health.com.kh