“Mr. Peabody & Sherman” ក្លាយ​ជា​ខ្សែភាពយន្ត​លេខ​ ១​សប្ដាហ៍​នេះ

សប្ដាហ៍​ថ្មី​នេះ ខ្សែ​ភាពយន្ត​តុក្កតា “Mr. Peabody & Sherman” បាន​ដណ្ដើម​យក​ចំណាត់​ថ្នាក់​កំពូល​ពី​ខ្សែភាពយន្ត​សង្គ្រាម​សម័យ​ក្រិក “300: Rise of An Empire” វិញ ជាមួយ​ចំណូល​ប្រមាណ ២១,២​លាន​ដុល្លារ លើ​តារាង​ Box Office អាមេរិក។

អាច​និយាយ​បាន​ថា ភាពយន្ត “Mr. Peabody & Sherman” ដែល​និយាយ​អំពី​ឆ្កែ​ចេះ​និយាយ​ Mr. Peabody និង​ក្មេង​ប្រុស Sherman គឺ​ជា​ខ្សែ​ភាពយន្ត​តុក្កតា​ថ្មី​បំផុត​ពី​ហូលីវូដ​ ដែល​ទទួល​បាន​ការ​គាំទ្រ​ខ្លាំង​ពី​អ្នក​ទស្សនា​បន្ទាប់​ពី​ ភាពយន្តតុក្កតា “Frozen” និង “The Lego Movie”។ ភាពយន្ត​នេះ​គឺ​ជា​ការ​ដឹកនាំ​ដោយ Rob Minkoff និង​មានAlex Schwartz និង Denise Nolan Cascino ជា​ផលិតករ។

ចំណែក ចំណាត់​ថ្នាក់​ទី​៣ បាន​ទៅ​លើ ​ខ្សែ​ភាពយន្ត​ថ្មី “Need for Speed” ដែល​ទទួល​បាន​ចំណូល​ ១៧,៨​លាន​ដុល្លារ ក្នុង​រយៈ​ពេល ៣​ថ្ងៃ​ដំបូង​នៃ​ការ​បញ្ចាំង​ នៅ​អាមេរិក និង​កាណាដា។ ភាពយន្ត​ថ្មី​ ២​ទៀត​ដែល​ទើប​តែ​បញ្ចាំង​ក្នុង​សប្ដាហ៍​ថ្មី​នេះ មាន​ដូច​ជា “Tyler Perrry’s The Single Moms Club” និង “Veronica Mars”។

ចង់​ដឹង​ចំណាត់​ថ្នាក់​កំពូល​ទាំង​ ១០​សប្ដាហ៍​នេះ មាន​ភាពយន្ត​ណា​ខ្លះ និង​មាន​ចំណូល​ប៉ុន្មាន ទស្សនា​ខាង​តារាង​ខាង​ក្រោម​នេះ​ តែ​ម្ដង៖

ល.រ	ចំណង​ជើង​ភាពយន្ត	ចំណូល​សប្ដាហ៍​ថ្មី​	ចំណូល​សរុប	សប្ដាហ៍​ទី
១	Mr. Peabody & Sherman	២១,២​លាន​ដុល្លារ	៦៣,១​លាន​ដុល្លារ	២
២	300: Rise of An Empire	១៩,១​លាន​ដុល្លារ	៧៨,៣​លាន​ដុល្លារ	២
៣	Need for Speed	១៧,៨​លាន​ដុល្លារ	១៧,៨​លាន​ដុល្លារ	១
៤	Non-Stop	១០,៦​លាន​ដុល្លារ	៦៨,៨​លាន​ដុល្លារ	៣
៥	Tyler Perry’s The Single Moms Club	៨,៣​លាន​ដុល្លារ	៨,៣​លាន​ដុល្លារ	១
៦	The LEGO Movie	៧,៧​លាន​ដុល្លារ	២៣៦,៩​លាន​ដុល្លារ	៦
៧	Son of God	៥,៤​លា​ន​ដុល្លារ	៥០,៨​លាន​ដុល្លារ	៣
៨	The Grand Budapest Hotel	៣,៦​លាន​ដុល្លារ	៤,៧​លាន​ដុល្លារ	២
៩	Frozen	២,១​លាន​ដុល្លារ	៣៩៦​លាន​ដុល្លារ	១៧
១០	Veronica Mars	២​លាន​ដុល្លារ	២​លាន​ដុល្លារ	១

ប្រភពពីhttp://news.sabay.com.kh/