La Liga រដូវ​កាល​នេះ ​នៅ​តែ​តានតឹង​ដោយ​សារ​ក្រុម​យក្ស​ទាំង​៣

សល់​១២ប្រកួត​ទៀត​​លីក​កំពូល​​អេស្ប៉ាញ​ La Liga នឹង​ត្រូវបិទ​រដូវ​កាល​ហើយ ប៉ុន្តែ​នៅ​តែ​មិន​ទាន់​មាន​សញ្ញា​ថា​ក្រុម​ណា​នឹង​លើក​ពាន​នៅ​ឡើយ​ទេ ដោយ​សារ​ក្រុម​យក្ស​ទាំង​៣​នៅ​តែ​បន្ត​ប្រទាញ​ប្រទង់​គ្នា។ លទ្ធផល​ស្មើ ២-២ ក្នុង​ជំនួប​រវាង Atletico Madrid និង Real Madrid បាន​ធ្វើ​ឲ្យ​ Real នៅ​តែ​នាំ​មុខ​ Atletico ៣ពិន្ទុ​ដដែល ខណៈ​ Barcelona ​ឡើង​មក​តាម​ពី​ក្រោយ​ Real តែ​១ពិន្ទុ​ប៉ុណ្ណោះ ក្រោយ​ឈ្នះ Almeria ៤-១។

បន្ទាប់​ពី​ក្រុម​យក្ស​នៅ​ទីក្រុង​ម៉ាឌ្រីត​​​​ជួប​គ្នា​រួច​ហើយ ជំនួប​២ប្រកួត​ទៀត​ដែល​អាច​ជា​ការ​​កំណត់​​ជោគវាសនា​ក្រុម​ទាំង​៣​ គឺ​ការ​ជួប​គ្នា​រវាង Real Madrid និង Barcelona ​នា​ថ្ងៃ​ទី​២៣ មិនា និង​ជំនួប​រវាង​ Barcelona និង Atletico Madrid ​ថ្ងៃ​១៨ ខែ​ឧសភា។

តាម​​ការ​បោះឆ្នោត​ស្ទង់​មតិ​កន្លង​មក ប្រិយមិត្ត​​ Sabay ភាគ​ច្រើន​ បាន​ទស្សន៍ទាយ​ថា ក្រុម​លោក Carlo Ancelotti នឹង​លើក​ពាន La Liga រដូវ​កាល​នេះ។ បើ​មើល​លើ​ការ​ប្រកួត​ដែល​នៅ​សល់ ក្រុម​ស្ដេច​ស ​ហាក់​ដូច​​​ជា​​មាន​ភាគរយ​ខ្ពស់​ជាង​គេ​ដូច​ការ​ទស្សន៍​ទាយ​របស់​ប្រិយមិត្ត​ប្រាកដ​មែន ដោយ​ក្រុម​នេះ​ត្រូវ​ធ្វើ​ជា​ម្ចាស់​ផ្ទះ​ពេល​ប៉ះ​គូ​ប្រជែង Barcelona។ ខាង​ក្រោម​នេះ​ជា​គូ​ប្រកួត​របស់​ក្រុម​ទាំង​៣ ក្នុង​១២ប្រកួត​​​ចុង​ក្រោយ៖

១២ ប្រកួត​នៅ​សល់​របស់Real	១២​ ប្រកួត​នៅ​សល់​របស់Barca	១២ ប្រកួត​នៅ​សល់​របស់Atletico
vs Levante (ក្នុង​ដី)	vs Real Valladolid (ក្រៅ​ដី)	vs Celta Vigo (ក្រៅ​ដី)
vs Malaga (ក្រៅ​ដី)	vs Osasuna (ក្នុង​ដី)	vs Espanyol (ក្នុង​ដី)
vs Barcelona (ក្នុង​ដី)	vs Real Madrid (ក្រៅ​ដី)	vs Real Betis (ក្រៅ​ដី)
vs Sevilla (ក្រៅ​ដី)	vs Celta Vigo (ក្នុង​ដី)	vs Granada (ក្នុង​ដី)
vs Rayo Vallecano (ក្នុង​ដី)	vs Espanyol (ក្រៅ​ដី)	vs Athletic Bilbao (ក្រៅ​ដី)
vs Real Sociedad (ក្រៅ​ដី)	vs Real Betis (ក្នុង​ដី)	vs Villarreal (ក្នុង​ដី)
vs Almeria (ក្នុង​ដី)	vs Granada (ក្រៅ​ដី)	vs Getafe (ក្រៅ​ដី)
vs Real Valladolid (ក្រៅ​ដី)	vs Athletic Bilbao (ក្នុង​ដី)	vs Elche (ក្នុង​ដី)
vs Osasuna (ក្នុង​ដី)	vs Villarreal (ក្រៅ​ដី)	vs Valencia (ក្រៅ​ដី)
vs Valencia (ក្នុង​ដី)	vs Getafe (ក្នុង​ដី)	vs Levante (ក្រៅ​ដី)
vs Celta Vigo (ក្រៅ​ដី)	vs Elche (ក្រៅ​ដី)	vs Malaga (ក្នុង​ដី)
vs Espanyol (ក្នុង​ដី)	vs Atletico Madrid (ក្នុង​ដី)	vs Barcelona (ក្រៅ​ដី)

តារាង​ពិន្ទុ​ក្រោយ​ការ​ប្រកួត​យប់​មិញ៖

សម្រាប់​ជើង​កីឡាករ​​វិញ​ ប្រិយមិត្ត​បាន​ដឹង​រួច​ទៅ​ហើយ​ថា​ក្រុម​ទាំង​៣ មាន​កីឡាករ​ជើង​ស៊ុត​រៀងៗ​ខ្លួន ពោល​គឺ Cristiano Ronaldo ដែល​ស៊ុត​១គ្រាប់​យប់​មិញ គឺ​ជា​តួអង្គ​សំខាន់​របស់ Real Madrid ឯ Diego Costa ជា​ខ្សែ​ប្រយុទ្ធ​ដ៏​មុត​របស់ Atletico Madrid ខណៈ Lionel Messi ដែល​ស៊ុត​១គ្រាប់​​​យប់​មិញ​ដែរ​នោះ ជា​កីឡាករ​មិន​អាច​ខ្វះ​បាន​របស់​ Barcelona។

តោះ! សាក​ទស្សន៍ទាយ​ទាំង​អស់​គ្នា​មើល៍ ថា​​តើ​ក្រុម​​ណា​ជា​ក្រុម​ដែល​ប្រិយមិត្ត​គិត​ថា​នឹង​លើក​ពាន La Liga រដូវ​កាល​នេះ? តែ​មុន​នឹង​ទាយ សូម​មើល​វីដេអូ​ហាយឡាយ​នៃ​ក្រុម​ទាំង​៣ កាល​ពី​យប់​មិញ​ដូច​ខាង​ក្រោម​នេះ​បន្តិច​សិន​​៖

- Atletico Madrid ២-២ Real Madrid

- Barcelona ៤-១ Almeria

ប្រភពពីhttp://news.sabay.com.kh/