RSS Feed
Twitter
Tuesday, March 18, 2014
Unknown
.jpg)
ឈឺក្បាល តឹងច្រមុះ ក្អក គ្រុណក្តៅ រមាស់ភ្នែក ឈឺបំពង់ក ឈឺសាច់ដុំកើតមានសឹងតែដូចគ្នា លើមនុស្សភាគច្រើនពេលដែលមានជំងឺផ្តាសាយ។ ទោះបីជាយ៉ាងណាក៏ដោយជនជាតិអាមេ រិកបានចំណាយរាប់ពាន់លានដុល្លារជារៀងរាល់ឆ្នាំសំរាប់ការជួបជាមួយគ្រូពេទ្យ និងចំណាយ លើឱសថសំរាប់ព្យាបាលជំងឺផ្តាសាយ។ មិនមានការព្យាបាលជំងឺផ្តាសាយអោយជានោះទេ។ តែជាសំណាងល្អអ្នកអាចអនុវត្តជំហានទាំងនេះដើម្បីងាយស្រួលក្នុងការជាសះស្បើយឡើងវិញ។ មនុស្សជាច្រើនបានជឿលើពាក្យចាស់ដែលនិយាយថា “មិនចាំបាច់ធ្វើអ្វីនោះទេផ្តា សាយនឹងជាដោយឯងៗយ៉ាងយូរបំផុតត្រឹម២សប្តាហិ៏” វាគឺជាការពិតប៉ុន្តែការអនុវត្តការព្យា បាលដោយខ្លួនឯងនៅផ្ទះសាមញ្ញៗដូចខាងក្រោមនេះអាចជួយអ្នកមានអារម្មណ៍ថាមានផាសុខភាពបានច្រើនជាង និងជួយអោយរាងកាយរបស់អ្នកបានជាសះស្បើយបានយ៉ាងឆាប់ រហ័សជាង។ ដែលទាំងនោះមានដូចជា៖
- ញ៉ាំទឹកអោយបានច្រើនៈ តាមដែលអាចធ្វើទៅបានសូមញ៉ាំទឹកអោយបានច្រើន។ វត្ថុរាវ អាចជួយកាត់បន្ថយស្លេស ដោយអោយវាហូរបានដោយសេរី និងធ្វើអោយវាកាន់តែងាយស្រួលដល់រាងកាយក្នុងការបញ្ចេញវាចេញដែលរួមជាមួយដោយវីរុសជាប់នៅក្នុង វា។ ទឹក និងនឹងសារធាតុរាវផ្សេងទៀតក៏អាចជួយប្រឆាំងនឹងការខ្វះជាតិទឹកផងដែរ។ ដូច្នេះញ៉ាំទឹកយ៉ាងហោចណាស់២៥០មីលីលីត្ររៀងរាល់ពីរម៉ោងម្តង។
- អំបិលៈ ការរលាក និងការហើមនៅក្នុងច្រមុះក្នុងកំឡុងពេលផ្តាសាយត្រូវបានបង្កឡើងដោយពពួកម៉ូលេគុលដែលគេហៅថា cytokines ឬ lymphokinesដែលត្រូវបានបង្កើតឡើងដោយរាងកាយដើម្បីប្រឆាំងនឹងមេរោគ។ ការស្រាវជ្រាវបានបង្ហាញថាការលាងសំអាតម៉ូលេគុលទាំងនេះចេញអាចកាត់បន្ថយការហើមបាន។ អ្នកអាចធ្វើទឹកសេរ៉ូម ប្រៃដោយខ្លួងសំរាប់បន្តក់ ឬបាញ់បានបដោយគ្រាន់តែលារអំបិល១ភាគ៤នៃស្លាបព្រាកាហ្វេទៅក្នុងទឹក២៥០មីលីលីត្រ។ ច្រកវាចូលក្នុងដបសំរាប់បាញ់ ឬបន្តក់ហើយបាញ់ ឬបន្តក់វាចូលទៅក្នុងរន្ធមុះនីមួយៗបី ឬបួនដង។ ធ្វើបែបនេះប្រាំទៅប្រាំមួយដងជារៀងរាល់ថ្ងៃ។ អ្នកក៏អាចធ្វើវាទុកសំរាប់ខ្ពុរមាត់ពេលមានការឈឺបំពង់កក្នុងសមាមាត្រ ដូចគ្នានេះផងដែរ។
- ម្ទេសៈ អាហារក្តៅ និងហឺរគឺធ្វើអោយអ្នកហូរសំបោរពីច្រមុះ និងហូរទឹកភ្នែក។ សារធាតុហឺរដែលមាននៅក្នុងម្ទេសត្រូវបានគេហៅថាcapsaicin ដែលវាស្រដៀងគ្នាទៅនឹង ថ្នាំ Guaifenesin expectorant ដែលគេអាចរកឃើញវាបាននៅក្នុងទឹកសេរ៉ូមក្អក។ ភាពស្រដៀងគ្នានេះដែលនាំអោយអ្នកជំនាញមួយចំនួនជឿថាការបរិភោគអាហារហឺរអាចជម្រះការឡើងស្លេសចេញ និងបន្ធូរបន្ថយនូវការតឹងច្រមុះបាន។
- វីតាមីនC៖ វីតាមីនCមិនអាចបងា្ករជំងឺផ្តាសាយបាននោះទេ ប៉ុន្តែវាអាចជួយនៅពេលដែលអ្នកមានជំងឺផ្តាសាយ។ បើទោះបីជាវានៅតែជាគំនិតដ៏ចម្រូងចម្រាសមួយក៏ដោយ ការស្រាវជ្រាវមួយចំនួនបានបង្ហាញថាវីតាមីនCអាចជួយបង្កើនប្រព័ន្ធភាពស៊ាំ និងកាត់ បន្ថយរយៈពេល និងភាពធ្ងន់ធ្ងរនៃរោគសញ្ញា។ ប៉ុន្តែដើម្បីទទួលបានប្រយោជន៍នេះ អ្នកគួរញ៉ាំវីតាមីនCអោយបានច្រើន។ សំរាប់បុរស និងស្ត្រីអាយុ១៥ឆ្នាំឡើងទៅគឺ៦០ មីលីក្រាម ប៉ុន្តែការសិក្សាបង្ហាញថាអ្នកត្រូវការប្រើវាចាប់ពី១០០០មីលីក្រាមទៅ៣០០០មីលីក្រាមក្នុងរយៈពេលខ្លីដោយអ្នកជំនាញជឿថានឹងមិនមានគ្រោះថ្នាក់ នោះទេ ប៉ុន្តែការប្រើវីតាមីនCច្រើនសំរាប់រយៈពេលយូរពេកអាចបង្កអោយមាន ជំងឺរាគរូសធ្ងន់ធ្ងរ។ មុនពេលប្រើវីតាមីនCដូចនេះសូមពិគ្រោះជាមួយវេជ្ជបណ្ឌិត របស់អ្នកជាមុនសិន៕
ប្រភពពីhttp://health.com.kh/
Posted in 
.jpg)
0 comments:
Post a Comment