RSS Feed
Twitter
Tuesday, March 18, 2014
Unknown
.jpg)
ការស្រាវជ្រាវថ្មីបានរកឃើញថា ស្ត្រីដែលផឹកស្រាមុននឹងពួកគេមានផ្ទៃពោះ ឬអំឡុងពេល៣ខែដំបូងនៃការមានផ្ទៃពោះ អាចមានហានិភ័យខ្ពស់នៃការមានកូនមិនគ្រប់ខែ ឬមានកូនតូច។
ការស្រាវជ្រាវបានមើលទៅលើស្ត្រីមានផ្ទៃពោះជាង១.២០០នាក់នៅចក្រភពអង់គ្លេសដែលបានផ្តល់ព័ត៌មានអំពីទម្លាប់នៃការផឹកស្រារបស់ពួកគេមុន និងអំឡុងពេលនៃការមានផ្ទៃពោះ។
U.K Department of Health ដូចទៅនឹង U.S. Centers for Disease Control and Prevention បានណែនាំថា ស្ត្រីមានផ្ទៃពោះ និងអ្នកដែលកំពុងតែព្យាយាមមានផ្ទៃពោះ មិនគួរផឹកស្រានោះទេ។ ប្រសិនបើពួកគេចង់ផឹក, ពួកគេគួរតែកំណត់បរិមាណនៃការផឹកស្រាកុំអោយលើសពី២កំប៉ុងក្នុងមួយសប្តាហ៍។
សមាសធាតុផ្សំនៃស្រាគឺផ្សេងៗពីគ្នា។ ជាទូទៅ, មួយកែវធំនៃស្រាអាចផ្សំពីបរិមាណនៃអាល់កុលលើសពី៣ផ្នែក។
អ្នកស្រាវជ្រាវដែលមកពីសាកលវិទ្យាល័យ Leeds បានរកឃើញថា ៥៣%នៃស្ត្រីបានផឹកច្រើនលើសពីកម្រិតខ្ពស់បំផុតអំឡុងពេល៣សប្តាហ៍ដំបូងនៃការមានផ្ទៃពោះ។ ជិត៤០%បានផឹកលើសពី១០ផ្នែក្នុងមួយសប្តាហ៍មុននឹងមានផ្ទៃពោះ។
អ្នកស្រាវជ្រាវបាននិយាយថា អ្នកដែលផឹកច្រើនជាងជា២ផ្នែកក្នុងមួយសប្តាហ៍ ហាក់ដូចជាជនជាតិស្បែកស, មនុស្សវ័យចំណាស់, មានកម្រិតនៃការយល់ដឹងខ្ពស់ និងជាអ្នកមាន។
ប្រហែល១៣%នៃទារកដែលកើតលើស្ត្រីនៅក្នុងការស្រាវជ្រាវគឺមានទម្ងន់ស្រាល, ៤,៤%គឺតូចជាងធម្មតា និង៤,៣%កើតមិនគ្រប់ខែ។ អ្នកស្រាវជ្រាវបានរកឃើញថា ស្ត្រីដែលបានផឹកច្រើនជាងពីរផ្នែកនៃអាល់កុលមួយសប្តាហ៍មុននឹង៣ខែដំបូងនៃការមានផ្ទៃពោះ មានទ្វេដងក្នុងការមានកូនកើតមិនគ្រប់ខែ ឬមានកូនតូចបើធៀបទៅនឹងអ្នកដែលមិនផឹកស្រានោះ។
អ្នកស្រាវជ្រាវបាននិយាយថា ប៉ុន្តែសូម្បីតែស្ត្រីដែលបានផឹកស្រាតិចជាង២ផ្នែកក្នុងមួយសប្តាហ៍អំឡុងពេល៣ខែដំបូងនៃការមានផ្ទៃពោះ ហាក់ដូចជាកើតកូនមិនគ្រប់ខែជាងអ្នកដែលមិនផឹកស្រាដែរ។
ស្ត្រីដែលបានផឹកមុននឹងមានផ្ទៃពោះ ក៏ហាក់ដូចជាមានកូនដែលតូចជាងធម្មតាផងដែរ, នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុងកាសែត Journal of Epidemiology and Community Health។
អ្នកស្រាវជ្រាវបាននិយាយថា ការស្រាវជ្រាវបានបង្ហាញថា ការផឹកស្រាអំឡុងពេល៣ខែដំបូងនៃការមានផ្ទៃពោះ មានការប៉ះពាល់ខ្ពស់បំផុតលើកូន។ ការស្រាវជ្រាវក៏បានសង្កត់ធ្ងន់ថា ស្ត្រីមិនគួរផឹកស្រាមុន ឬអំឡុងពេលមានផ្ទៃពោះនោះទេ៕
Posted in 
.jpg)
0 comments:
Post a Comment