RSS Feed
Twitter
Saturday, March 08, 2014
Unknown
.jpg)
ការដែលមានបញ្ហាដុះខ្លាញ់ក្បាលពោះអាចធ្វើអោយរំខានដល់រូបរាងខាងក្រៅ និងផ្តល់ផលអវិជ្ជមានយ៉ាងធ្ងន់ធ្ងរមួយចំនួនដល់អ្នកទៀតផង។ មនុស្សបែបនេះមិនមានអារម្មណ៍ថាមានផាសុខភាពចំពោះខ្លួនឯងទេ ព្រោះពួកគេយល់ថាខ្លួនពិតជាពិបាកមើលណាស់។
ក្រៅពីនេះ ការដែលដុះខ្លាញ់ក្បាលពោះច្រើនពេក អាចបណ្តាលអោយមានជំងឺទឹកនោមផ្អែម, ជំងឺបេះដូង និងមហារីកទៀងផង។ ដូច្នេះតើមានអ្វីទៅដែលអាចជួយសម្រកខ្លាញ់ក្បាលពោះបានលឿន?
កុំភ្លេចញ៉ាំអាហារពេលព្រឹក
ខ្ញុំដឹងថា អ្នកខ្លះប្រហែលជាឆ្ងល់ហើយថាតើការធ្វើបែបនេះអាចមានប្រយោជន៍ក្នុងការសម្រកខ្លាញ់ក្បាលពោះដូចម្តេចទៅ។ ខ្ញុំឆ្ងល់ណាស់ថាតើការញ៉ាំអាហារពេលព្រឹកមានទំនាក់ទំនងអ្វីទៅជាមួយនឹងការសម្រកខ្លាញ់ក្បាលពោះ។ បើយោងទៅតាមអ្នកជំនាញបានអោយដឹងថា បើសិនជាអ្នកញ៉ាំអាហារពេលព្រឹកប្រហែលជា រយៈពេលមួយម៉ោងក្រោយពីភ្ញាក់ពីដេក អ្នកនឹងធ្វើរឿងមួយដ៏អស្ចារ្យសម្រាប់ខ្លួនឯង ព្រោះវានឹងជួយអោយចំនួនអាំងស៊ុយលីននៅហ្នឹងល្អ ព្រមទាំងកាត់បន្ថយចំនួនកូឡេស្តេរ៉ុលអាក្រក់ដែលធ្វើអោយដុះខ្លាញ់ក្បាលពោះទៀតផង។ ជាមួយគ្នានេះដែរចូរញ៉ាំអាហារពេលព្រឹកដែលមានជាតិប្រូតេអ៊ីន និងជាតិសរសៃអោយបានច្រើន, ស៊ុត, ផ្លែឈើ និងបន្លែជាដើម។
ចៀសអោយឆ្ងាយពីអាហារដែលធ្វើអោយឡើងខ្លាញ់ក្បាលពោះ
អាហារទាំងនេះគួរតែចៀសវាងអោយឆ្ងាយបើសិនជាអ្នកចង់សម្រកខ្លាញ់ក្បាលពោះ។ តើអាហារទាំងនេះមានដូចជា នំស្រួយ, នំកញ្ចប់ផ្អែមៗ និងផាស្តាជាដើម។
ហាត់ប្រាណទៀងទាត់
ការហាត់ប្រាណជាទៀងទាត់គឺជាវិធីសាស្ត្រដ៏ល្អបំផុតដែលអ្នកអាចធ្វើបានដើម្បីរាងកាយ។ ការហាត់ប្រាណមិនត្រឹមតែជួយអោយមានសុខភាពល្អទេ តែវាក៏មានប្រយោជន៍ផ្សេងទៀតច្រើនដែរ ជាពិសេសការសម្រកខ្លាញ់ក្បាលពោះតែម្តង។ ការរត់តិចៗ ឬរត់រយៈពេលយ៉ាងហោចណាស់ ៣០នាទីក្នុងមួយថ្ងៃគឺជារឿងដែលគួរធ្វើបើសិនជាចង់សម្រកខ្លាញ់ក្បាលពោះអោយបានលឿន។
យកឈ្នះស្ត្រេសអោយបាន
ស្ត្រេសគឺជារឿងមួយគ្រោះថ្នាក់បំផុត ហើយវាក៏ជាអ្នកធ្វើអោយខ្លាញ់ក្បាលពោះដុះយ៉ាងច្រើនដែរ។ បើយោងទៅតាមការសិក្សាបានអោយដឹងថា នៅពេលរាងកាយចេះតែផលិតស្ត្រេសអ័រម៉ូនដោយសារតែមនុស្សកើតស្ត្រេសរហូត បុគ្គលនោះនឹងមានឱកាសដុះខ្លាញ់ក្បាលពោះកាន់តែច្រើន។
ផឹកទឹកអោយបានច្រើន
អ្នកប្រហែលជាធ្លាប់លឺម្តងហើយថាទឹកគឺជាឱសថដ៏ល្អបំផុតសម្រាប់រាងកាយ។ អ្នកខ្លះនិយាយថា គ្មានជំងឺណាដែលទឹកមិនអាចព្យាបាលបាននោះទេ។ ទឹកបានសាងនូវប្រវត្តិសាស្ត្រដ៏អស្ចារ្យជាច្រើនសម្រាប់រាងកាយ និងសុខភាពរបស់យើង។ ទឹកក៏ជួយសម្រកជាតិខ្លាញ់ក្នុងក្បាលពោះបានលឿនដែរ។ បើយោងទៅតាមការសិក្សាបានអោយដឹងថា មូលហេតុដែលវាទៅសម្រកខ្លាញ់នៅក្បាលពោះដោយសារតែ នៅពេលអ្នកទទួលទានទឹកច្រើនរាល់ថ្ងៃ វាអាចនឹងជម្រុញអោយមានការរំលាយអាហារកាន់តែច្រើនក្នុងរាងកាយ ពេលនោះខ្លាញ់នៅក្បាលពោះនឹងស្រក។
ចូរញ៉ាំអាហារដែលទៅរំលាយខ្លាញ់ក្បាលពោះ
អាហារទាំងនោះគឺជាអាហារដែលមានជាតិខ្លាញ់ Monounsaturated Fats។ អ្នកអាចរកវាបាននៅក្នុងគ្រាប់ធញ្ញជាតិ, និងប្រេងអូលីវ។ ក្រៅពីនេះ យើងក៏មានអាហារផ្សេងៗទៀតដែរដូចជា តែបៃតង, ផ្លែបឺ និងគ្រាប់ធញ្ញជាតិបែប Whole Grains សម្រាប់ទៅរំលាយជាតិខ្លាញ់ក្បាលពោះ។ ដូច្នេះអ្នកគួរតែទទួលទានវាជាប្រចាំ៕
ប្រភពពីhttp://health.com.kh/
Posted in 
.jpg)
0 comments:
Post a Comment