RSS Feed
Twitter
Tuesday, March 18, 2014
Unknown
.jpg)
សម្រាប់អ្នកខ្លះដែលមានបញ្ហាខ្លាញ់ច្រើននៅជុំវិញឃ្លៀក ច្រើនតែយល់ឃើញថាវាមិនគ្រាន់តែធ្វើអោយមិនមានអារម្មណ៍ល្អទេ តែវាក៏ធ្វើអោយខ្លួនឯងមានភាពខ្មាសអៀនដែរ។ ថ្ងៃនេះយើងនឹងបង្ហាញអ្នកអោយដឹងពីរបៀបដែលអាចបំបាត់បញ្ហាមានខ្លាញ់ដុះច្រើននៅតំបន់ឃ្លៀកតាមរយៈរបបអាហារដែលមានតុល្យភាព, ហាត់ប្រាណជាទៀងទាត់។
ការហាត់ប្រាណ
បើសិនជាអ្នកចង់បំបាត់បញ្ហាកន្លែងប៉ោងដោយសារការដុះជាតិខ្លាញ់នៅឃ្លៀក អ្នកត្រូវតែហាត់ប្រាណបែបអ៊ែរ៉ូប៊ិក ឬលំហាត់ប្រាណអោយបេះដូងដើរញាប់ ព្រោះវានឹងជួយរំលាយជាតិខ្លាញ់ និងកាត់បន្ថយជាតិខ្លាញ់ក្នុងរាងកាយបាន។ ចូរព្យាយាមហាត់ប្រាណរយៈពេលមួយម៉ោង យ៉ាងហោចណាស់ ៥ថ្ងៃក្នុងមួយសប្តាហ៍។
របបអាហារ
បើសិនជាអ្នកកំពុងតែព្យាយាមសម្រកទម្ងន់ ហើយចង់បំបាត់ខ្លាញ់នៅឃ្លៀកទៀតនោះ យកល្អគួរតែញ៉ាំអាហារណាដែលផ្តល់ជាសុខភាព។ ដូច្នេះចូរប្រាកដថា អ្នកបានបញ្ចូលនូវបន្លែស្រស់ៗ, គ្រាប់ធញ្ញជាតិ, សាច់, ត្រីជាដើម។
អាវ៉ង់
បើសិនជាអ្នកចង់ពង្រឹងភាពរឹងមាំនៅផ្នែកខាងលើនៃរាងកាយ ព្រមទាំងបំបាត់ខ្លាញ់នៅឃ្លៀគទៀតនោះ អ្នកត្រូវតែមានទម្លាប់ហាត់ប្រាណដោយអាវ៉ង់។ នៅពេលអាវ៉ង់ ចូរប្រាកដថា ទ្រូងរបស់អ្នកនៅឆ្ងាយពីកម្រាល៤ ទៅ៥សង់ទីម៉ែត្រ។ ចូរចាប់ផ្តើមអាវ៉ង់អោយបាន ១៥ដងក្នុង ចំនួនពីរសារ ហើយអ្នកអចបង្កើនចំនួនដងនេះបន្តិចម្តងៗដើម្បីអាចទទួលបានថាមពល និងកម្លាំងកាន់តែខ្លាំង។
លើកដុំដែក
វាពិតជាមានប្រសិទ្ធភាពយ៉ាងល្អបើសិនជាអ្នកពិតជាចង់បង្កើតសាច់ដុំនៅក្រោមដើមដៃ។ ចូរដេកនៅលើគ្រែ និងចាប់ដុំដែកដោយដៃទាំងសងខាង។ ចូរទម្លាក់ដុំដែកចុះតិចៗដោយបត់កែងដៃរហូតដល់កែងដៃនោះដល់ក្រោមគ្រែបន្តិច។ បន្ទាប់មក ចូររុញដៃទាំងពីរឡើងទៅលើវិញអោយត្រង់។ ចូរចាប់ផ្តើមធ្វើបែបនេះ ១៥ដងចំនួន មួយ ទៅពីរសា ព្រមទាំងបង្កើនចំនួនវាបន្តិចម្តងៗរហូតដល់ ២០ដង និង៤សារ៕
ប្រភពពីhttp://health.com.kh/
Posted in 
.jpg)
0 comments:
Post a Comment