RSS Feed
Twitter
Saturday, March 08, 2014
Unknown
.jpg)
យើងទាំងអស់គ្នាមាននរណខ្លះដែលមិនចង់អោយស្បែករលោងនោះ? បើសិនជាអ្នកចង់អោយស្បែកមានភាពរលោង និងស្រស់ស្អាតតាមបែបធម្មជាតិ អ្នកពិតជារកអត្ថបទបានត្រឹមត្រូវហើយ។ មានផលិតផលច្រើនណាស់ដែលដាក់លក់នៅលើទីផ្សាដែលសន្យាថានឹងជួយអោយស្បែកភ្លឺរលោង និងស្រស់ស្អាត។ ខណៈពេលដែលផលិតផលខ្លះមានប្រសិទ្ធភាពក៏មានផលិតផលខ្លះទៀតគ្មានប្រសិទ្ធភាពដែរ។ អ្វីដែលកាន់តែធ្ងន់ធ្ងរនោះគឺថា ផលិតផលខ្លះមានផ្ទុកទៅដោយសារធាតុគ្រោះថ្នាក់ដែលទៅបំផ្លាញស្បែករបស់អ្នកប្រើប្រាស់បាន។ ដូច្នេះ បើសិនជាអ្នកត្រៀមខ្លួនសម្រាប់ធ្វើអោយស្បែកភ្លឺរលោងនិងស្រស់ស្អាតតាមបែបធម្មជាតិរួចហើយ ចូរមើលមកប៉ុន្មានចំណុចដូចខាងក្រោមនេះទៅ៖
- ធ្វើអោយស្បែកស្រស់ស្អាតជាមួយទឹក៖ ទឹកធម្មតាៗគឺជាអ្វីដែលអ្នកត្រូវការដើម្បីអោយទទួលបានស្បែករលោង។ វាគឺជាវិធីសាស្ត្របែបធម្មជាតិដ៏ល្អ និងសាមញ្ញបំផុតដើម្បីទទួលបានស្បែកដ៏ស្រស់ស្អាតបាន។ អ្វីដែលអ្នកគួរតែធ្វើនោះគឺទទួលទានទឹកអោយបានច្រើន។ អ្នកគួរតែកំណត់គោលដៅ ៨ ទៅ១០កែវក្នុងមួយថ្ងៃ។ ទឹកគឺជាធនធានដ៏ល្អបំផុតសម្រាប់ស្បែក។ កាលណាអ្នកទទួលទានទឹកកាន់តែច្រើន ស្បែកអ្នកនឹងកាន់តែរលោង និងស្រស់ស្អាត។ ទឹកមានប្រសិទ្ធភាពយ៉ាងអស្ចារ្យចំពោះរាងកាយ តាមរយៈការច្រោះជាតិពុលចេញពីក្នុងខ្លួន និងពង្រឹងដល់ប្រព័ន្ធភាពស៊ាំ។
- ប្រើទឹកក្រូចឆ្មាខ្លះដើម្បីទទួលបានគោលដៅធ្វើអោយស្បែករលោង៖ បើយោងទៅតាមអ្នកជំនាញខាងរោគសើស្បែកបានអោយដឹងថា ទឹកក្រូចឆ្មាគឺជាសារធាតុដ៏ល្អបំផុតសម្រាប់ជួយអោយស្បែករលោង និងស្រស់ស្អាត ព្រោះវាសម្បូរទៅដោយអង់ស៊ីមជាច្រើនដែលមានឥទ្ធិពលក្នុងការលាងសម្អាតស្បែក។ អង់ស៊ីមទាំងអស់នេះធ្វើការជាអ្នកបោសស្អាតកោសិការស្បែកងាប់ៗចេញពីលើស្បែក និងបន្សល់ទុកនូវស្បែកដែលរលោង, ភ្លឺថ្លា និងទន់មកវិញ។ ដើម្បីប្រើទឹកក្រូចឆ្មាលើស្បែកបាន អ្នកអាចប្រើក្រូចឆ្មាស្រស់ និងច្របាច់យកទឹករបស់វាដាក់ទៅក្នុងចាន។ បន្ទាប់មក យកក្រណាត់ទៅជ្រលក់វាដើម្បីយកមកលាបលើរាងកាយដែលអ្នកចង់អោយរលោង និងស្រស់ស្អាត។ ក្រោយពីលាបទឹកក្រូចឆ្មាលើស្បែករួច អ្នកគួរតែទុកវាចោលរយៈពេល ១០ ទៅ១៥នាទីចាំលាងជាមួយទឹកក្តៅឧណ្ហៗចេញ។ ពេលនោះអ្នកនឹងទទួលបានលទ្ធផលដ៏អស្ចារ្យជាមិនខាន។
- ប្រើប៉េងប៉ោះដើម្បីអោយស្បែកកាន់តែរលោង៖ ប៉េងប៉ោះត្រូវបានគេចាត់ទុកថាជាភ្នាក់ងារធ្វើអោយស្បែកស្រស់ស្អាតបែបធម្មជាតិបំផុត។ កាលណាស្បែកអ្នកប្រើប្រាស់ប៉េងប៉ោះកាន់តែច្រើន ស្បែកនឹងកាន់តែទន់, ភ្លឺថ្លា និងទន់រលោងជាមិនខាន។ អ្នកអាចទទួលបានអត្ថប្រយោជន៍យ៉ាងពេញលេញរបស់ប៉េងប៉ោះតាមរយៈប៉េងប៉ោះស្រស់។ បន្ទាប់មកចូរយកសាច់ប៉េងប៉ោះមកលាបពីលើមុខនិងកន្លែងណានៃរាងកាយដែលអ្នកចង់អោយវាកាន់តែរលោង។ ចូរទុកវាចោលរយៈពេល ៥នាទីចាប់លាងវាចេញ។ រឿងនេះគួរតែធ្វើជារឿងរាល់ថ្ងៃ។ កាលណាអ្នកធ្វើបែបនេះកាន់តែច្រើន ស្បែកអ្នកនឹងកាន់តែរលោង ព្រោះថាប៉េងប៉ោះគឺជាឱសថជួយថែរក្សាស្បែកយ៉ាងមានប្រសិទ្ធភាព។
- ទឹកឃ្មុំនឹងធ្វើអោយស្បែកស្រស់ស្អាត៖ បើសិនជាអ្នកអ្នកកំពុងតែចង់អោយស្បែកស្រស់ស្អាត ចូរមិនត្រូវភ្លេចទឹកឃ្មុំឡើយ។ ទឹកឃ្មុំត្រូវបានប្រើប្រាស់រយៈពេលច្រើនឆ្នាំមកហើយក្នុងការជួយអោយស្បែកមនុស្សរលោង។ វាគឺជាធាតុផ្សំបែបធម្មជាតិដ៏ល្អបំផុតដែលធ្វើអោយស្បែករលោង និងស្រស់ស្អាត។ អ្វីៗទាំងអស់ដែលអ្នកត្រូវធ្វើគឺយកទឹកឃ្មុំ មកលាបលើមុខ និងកន្លែងដែលអ្នកចង់អោយរលោង។ មុនពេលលាបទឹកឃ្មុំលើមុខ អ្នកគួរតែលាងមុខអោយបានស្អាតល្អសិន ដូច្នេះអ្នកពិតជាអាចយកឈ្នះនូវភាពគគ្រិច និងជាតិប្រេងលើស្បែកបាន។ ចូរលាបទឹកឃ្មុំនៅលើមុខនិងរងចាំ ១០នាទីសិនចាំលាងវាជាមួយទឹកត្រជាក់។បើសិនជាអ្នកធ្វើបែបនេះជាប្រចាំ អ្នកនឹងសម្គាល់ដឹងថាស្បែកអ្នកចាប់ផ្តើមរលោងនិងស្រស់ស្អាតជាមិនខានឡើយ៕
ប្រភពពីhttp://health.com.kh/
Posted in 
.jpg)
0 comments:
Post a Comment