RSS Feed
Twitter
Friday, February 14, 2014
Unknown
បណ្ដាញសង្គមសម្រាប់ទំនាក់ទំនងឆ្លើយឆ្លងគ្នាតាម chat និង video call គឺ Viber ថ្ងៃនេះបានសម្រេចលក់ទៅឱ្យក្រុមហ៊ុនសេវាកម្មអ៊ីនធឺណិតជប៉ុន Rakuten ក្នុងទំហំទឹកប្រាក់ ៩០០លានដុល្លារអាមេរិក។
ក្នុងកិច្ចដំណើរការទិញលក់នេះ លោក Hiroshi Mikitani ដែលជាប្រធាន និងជានាយកប្រតិបត្តិរបស់ Rakuten ដែលជាក្រុមហ៊ុនអ៊ីនធឺណិតធំឈានមុខនៅជប៉ុនបានថ្លែងថា Viber ដឹងច្បាស់ពីតម្រូវការរបស់មនុស្សក្នុងការធ្វើទំនាក់ទំនងរវាងគ្នា ទើបបង្កើតសេវាកម្មជាបណ្ដាញសង្គមនេះឡើង។
ចំណែកលោក Talmon Marco នាយកប្រតិបត្តិ និងជាសហស្ថាបនិករបស់ Viber បានលើកឡើងថា ចក្ខុវិស័យរបស់ក្រុមហ៊ុនគឺ ចង់យកតំណែងលេខ១ ជាបណ្ដាញសង្គមទំនាក់ទំនងដែលមានការទទួលស្គាល់ និយមប្រើទូទាំងពិភពលោក ហើយការច្របាច់បញ្ចូលជាមួយ Rakuten នឹងក្លាយជាកម្លាំងផ្គួបដ៏ខ្លាំងក្លាយ៉ាងសំខាន់សម្រាប់សម្រេចគោលដៅនាអនាគត។
ក្រុមហ៊ុនផ្ដល់សេវាកម្មទំនាក់ទំនង (Viber) ដែលបានចុះឈ្មោះក្នុងប្រទេសស៊ីប្រ៊ូសនេះ មានមជ្ឈមណ្ឌលអភិវឌ្ឍក្នុងប្រទេសចំនួនពីរគឺ បេឡារូស និងអ៊ីស្រាអែល។
Viber Media បង្កើតនៅឆ្នាំ ២០១០ ដោយស្ថាបនិកពីររូបគឺលោក Talmon Marco និង Igor Megzinik។ សព្វថ្ងៃ Viber មានគណនីកំពុងប្រើចំនួន ៣០០លាននាក់។
ប្រភពពីhttp://news.sabay.com.kh/
Posted in 
.jpg)
0 comments:
Post a Comment