RSS Feed
Twitter
Saturday, February 08, 2014
Unknown
“I, Frankenstein” គឺជាខ្សែភាពយន្តប្រយុទ្ធបែបផ្សងព្រេងថ្មីរបស់អាមេរិក ដែលជាការនិពន្ធ និងដឹកនាំដោយលោក Stuart Beattie និងចូលរួមសម្ដែងដោយតារាល្បីៗដូចជា Aaron Eckhart, Bill Nighy, Yvonne Strahovski និងតារាជាច្រើនទៀត។ ក្នុងខ្សែភាពយន្តនេះ Aaron Echart ដើរតួជា Adam Frankenstein ដែលជាមនុស្សមានជីវិតអមត និងបង្កើតឡើងដោយក្រុមបិសាច។
ក្នុងឆ្នាំ១៧៩៥ បណ្ឌិត Victor Frankenstein បានបង្កើតបិសាចមួយ ប៉ុន្តែក្រោយមកបិសាចនោះក៏បានសម្លាប់ប្រពន្ធរបស់គាត់វិញដែលធ្វើឲ្យគេព្យាយាមដេញតាមបិសាចនោះដល់ទ្វីបអង់តាកទិចដើម្បីសងសឹក។ ប៉ុន្តែ Frankenstein ក៏បានស្លាប់ដោយសារធាតុអាកាសត្រជាក់ពេក។ ក្រុមបិសាច Gargoyle បាននាំយកសាកសពរបស់គេទៅបង្កើតជាបិសាចមួយទៀត និងដាក់ឈ្មោះថ្មីឲ្យគេថា Adam។ ក្រុមបិសាចទាំងនោះចង់ឲ្យ Adam ចូលរួមធ្វើសង្គ្រាមជាមួយពួកគេ ក៏ប៉ុន្តែ Adam បានបដិសេធ និងដកខ្លួនចេញ។
២០០ឆ្នាំបន្ទាប់ពីបានបង្កើតឡើងវិញដោយក្រុមបិសាច Adamនៅតែមានជីវិតនៅលើផែនដី ហើយក្រុមបិសាចនៅតែតាមគេរហូត។ ប៉ុន្តែនៅពេលដែលគេប្រឡូកចូលក្នុងសង្គ្រាមជាមួយក្រុមបិសាចទើបគេដឹងថា គេមានអាវុធសម្ងាត់ក្នុងដៃដែលអាចបំផ្លិចបំផ្លាញបិសាចទាំងនោះបាន។
“I, Frankenstein” នឹងមានចាប់បញ្ចាំងនៅរោងភាពយន្តផ្លាទីនៀម ជាន់ទី ៥ ផ្សារទំនើបសូរិយាចាប់ពីថ្ងៃទី៦ ខែកុម្ភៈនេះហើយ។ ចង់ដឹងថាដំណើររាប់សតវត្សរបស់ Adam នៅលើផែនដីមានអ្វីកើតឡើងខ្លះ? តើគេនឹងអាចបង្ក្រាបក្រុមបិសាចទាំងអស់ចេញពីផែនដីបានទេ? ឈុតឆាកប្រយុទ្ធគ្នារវាង Adam និងក្រុមបិសាចទាំងនោះមានរូបភាពយ៉ាងណាខ្លះ? កុំភ្លេចចូលរួមទស្សនាទាំងអស់គ្នា!
Posted in 
.jpg)
0 comments:
Post a Comment