ភាពយន្ត​តុក្កតា​ថ្មី “The Lego Movie” ឈ្នះ​ដាច់​លើ Box Office អាមេរិក​សប្ដាហ៍​នេះ

ខ្សែភាពយន្ត​គំនូរជីវចល​ថ្មី “The Lego Movie” បាន​ក្លាយ​ជា​ភាពយន្ត​ដែល​រក​ចំណូល​បាន​ច្រើន​ជាង​គេ​លើ​តារាង​ Box Office កាល​ពី​សប្ដាហ៍​មុន បន្ទាប់​ពី​បាន​ចាប់​បញ្ចាំង​ ពី​ថ្ងៃ​ទី៧ ខែ​កុម្ភៈ។ “The Lego Movie” គឺ​ជា​ភាពយន្ត​តុក្កតា​ផ្សង​ព្រេង​បែប​កំប្លែង ដែល​និពន្ធ​និង​ដឹក​នាំ​រួម​គ្នា​ដោយ​លោក Phi Lord និង Chris Miller ។

ត្រឹម​តែ​រយៈ​ពេល​៣​ថ្ងៃ​ភាពយន្ត​គំនូរជីវចល​បែប​កំប្លែង​នេះ​អាច​រក​ចំណូល​បាន ៦៩,១​លាន​ដុល្លារ ដែល​ប្រៀប​ធៀប​ទៅ​នឹង​ភាពយន្ត​អំពី​សង្គ្រាម​លោក​លើក​ទី​២ “The Monuments Men” ដែល​ចេញ​នៅ​ថ្ងៃ​ដំណាល​គ្នា​អាច​រក​បាន​ត្រឹម​តែ ២២,៧​លាន​ដុល្លារ។ ភាពយន្ត​ថ្មី​មួយ​ទៀត​ក្នុង​សប្ដាហ៍​នេះ ​រឿង “The Vampire Academy” ទទួល​បាន​ចំណូល ៤,១​លាន​ដុល្លារ និង​ស្ថិត​ក្នុង​ចំណាត់​ថ្នាក់​លេខ ៧។

ចំណែក​ភាពយន្ត​កំប្លែង “Ride Along” ដែល​ជាប់​លេខ​មួយ​បី​សប្ដាហ៍​ហើយ​នោះ​បាន​ចុះ​មក​លេខ ៣​វិញ។ រីឯ “Frozen” វិញ​ទោះ​ជា​បញ្ចាំង​បាន​ ១១​សប្ដាហ៍​ហើយ​ក្ដី ក៏​នៅ​តែ​អាច​ជាប់​ចំណាត់​ថ្នាក់​ល្អ​ដដែល​ គឺ​លេខ​៤។

ខាង​ក្រោម​នេះ​គឺ​ភាពយន្ត​ទាំង​ ១០​ដែល​មាន​ចំណូល​ច្រើន​បំផុត​លើ Box Office អាមេរិក៖​
1. The LEGO Movie: ៦៩,១​លាន​ដុល្លារ
2. The Monuments Men:២២,៧​លាន​ដុល្លារ
3. Ride Along:៩,៣៩​លាន​ដុល្លារ
4. Frozen:៦,៩១​លាន​ដុល្លារ
5. That Awkward Moment:៥,៥៤​លាន​ដុល្លារ
6. Lone Survivor: ៥,២៩​លាន​ដុល្លារ
7. Vampire Academy:៤,១​លាន​ដុល្លារ
8. The Nut Job:៣,៨​លាន​ដុល្លារ
9. Jack Ryan: Shadow Recruit:៣,៦​លាន​ដុល្លារ
10. Labor Day:៣,២៣​លាន​ដុល្លារ

ប្រភពពីhttp://news.sabay.com.kh/