RSS Feed
Twitter
Monday, February 10, 2014
Unknown
មុននេះតារាសម្ដែង Chow Yun-fat ធ្លាប់និយាយថាខ្សែភាពយន្ត “The Monkey King” នឹងមានវគ្គ២ ជាបន្តទៀតលុះត្រាតែភាពយន្តនេះរកចំណូលបាន ១០០លានយន់ (១៦,៥លានដុល្លារ) ប៉ុន្តែឥលូវនេះភាពយន្តនេះរកចំណូលបានច្រើនជាងចំនួននេះ ៣ដង ក្នុងរយៈពេលមួយសប្ដាហ៍ដំបូង។ ដូច្នេះមានន័យថា ភាពយន្តនេះនឹងអាចមានវគ្គពីរជាបន្តទៀត។
ខ្សែភាពយន្ត “The Monkey King” ដែលសម្ដែងដោយ Chow Yun-fat, Donnie Yen (កុំកុំ), និង Aron Kwok និងផលិតដោយផលិតកម្ម Filmko Pictures និង China Film Group នេះ ទទួលបានប្រាក់ចំណូល ៤១លានដុល្លារក្នុងរយៈពេលមួយថ្ងៃដំបូងនៃការបញ្ចាំង និងជិត ៦៥លានដុល្លារក្នុងរយៈពេល ៤ថ្ងៃដំបូង។
ឈុតមួយក្នុងរឿង “The Monkey King”
ពាក់ព័ន្ធនឹងការផលិតវគ្គពីរនេះដែរ ប្រធានផលិតកម្ម Filmko លោក Alex Wong បានប្រាប់សារព័ត៌មានចិន Mtime ថា “ពួកយើងពិតជាមានគម្រោងផលិតវគ្គពីរពិតមែន ប៉ុន្តែក្នុងពេលឥលូវនេះយើងកំពុងសម្រុករកចំណូលសម្រាប់វគ្គមួយសិន។ ពួកយើងនឹងប្រកាសពីព័ត៌មានលម្អិត ថាពេលណាចាប់ផ្ដើមថត និងតួណាជាអ្នកសម្ដែងនៅពេលក្រោយទៀត”។
តារាសម្ដែង Aaron Kwok បានប្រាប់ថាវគ្គពីរនេះនឹងមានតួ ប៉ាជេ និងសាជេ បន្ថែមទៀត ក៏ប៉ុន្តែគេមិនបានប្រាប់ថាតារារូបណានឹងសម្ដែងនោះទេ។ បើតាមពាក្យចចាមអារ៉ាម ភាគពីរនេះនឹងនិយាយអំពីដំណើរទៅចម្លងធម៌របស់សង្ឃថាំងចេង ជាមួយស៊ុន អ៊ូខុង ហើយតារាសម្ដែង Huang Xiaoming នឹងសម្ដែងជាតួជ្រូកប៉ាជេ ដែលការថតនោះនឹងចាប់ផ្ដើមក្នុងខែកញ្ញាខាងមុខនេះ។
ភាពយន្តទាក់ទងនឹងរឿងព្រេង ស៊ុន អ៊ូខុង នេះតែងទទួលបានជោគជ័យជានិច្ច ដែលកាលពីឆ្នាំ២០១៣ រឿង “ដំណើរទៅកាន់ភាគខាងលិច” (Journey to the West) របស់តារាល្បី ទីនហ្វី ក៏ជាខ្សែភាពយន្តដ៏ពេញនិយមបំផុតក្នុងប្រទេសចិនដែរ។
ទស្សនាឈុតខ្លីខាងក្រោម៖
ប្រភពពីhttp://news.sabay.com.kh/
Posted in 
.jpg)
0 comments:
Post a Comment