RSS Feed
Twitter
_0728_-_Preah_Viehar.jpg)
Friday, November 29, 2013
Unknown
ប្រភពពីhttp://news.sabay.com.kh:ឆ្នាំថ្មី២០១៤កាន់តែខិតជិតមកដល់ហើយខ្សែភាពយន្តខ្នាតធំជាច្រើនក៏កំពុងត្រៀមបញ្ចាំងក្នុងរោងភាពយន្តដែរ។ ប្រិយមិត្តភាគច្រើនក៏ច្បាស់ជាមានពិបាកក្នុងការសម្រេចចិត្តជាក់ជាមិនខានថាតើគួរទស្សនារឿងណាដើម្បីកុំឲ្យខ្ជះខ្ជាយពេលវេលា និងប្រាក់កាស។ ថ្ងៃនេះ Sabay នឹងបង្ហាញជូនប្រិយមិត្តកំពូលភាពយន្តខ្នាតធំ១០រូបដែលគួរតែទស្សនាដោយខានមិនបាន។
១. Fast and Furious 7
ប្រិយមិត្តអ្នកនិយមទស្សនាភាពយន្តខ្នាតធំភាគច្រើនច្បាស់ជាធំធាត់មកជាមួយភាពយន្តខ្នាតធំលំដាប់ហូលីវូដជាស៊េរី “Fast and Furious” ជាមិនខានព្រោះខ្សែភាពយន្តជាស៊េរីរឿងដំបូង “Fast And Furious 1” ដែលបានបញ្ចាំងកាលពីឆ្នាំ២០០១មករហូតមកវគ្គទី៦នៅតែទទួលបានការគាំទ្រខ្លាំងពីអ្នកទស្សនា។ ដូច្នេះវគ្គទី៧នេះគេនៅតែសង្ឃឹមថាអ្នកទស្សនានៅតែផ្ដល់ការគាំទ្រជាក់ជាមិនខានមិនអីចឹងមិនមែនមានដល់វគ្គទី៧ទេ។
២. Transformers 4
បើប្រិយមិត្តចង់ដឹងថាតើសាច់រឿងថ្មីនិងសម្ដែងថ្មីក្នុងរឿង “Transformers 4” នឹងទៅជាយ៉ាងណានោះ Sabay សូមណែនាំថាប្រិយមិត្តមិនគួរភ្លាត់ឱកាសទស្សនារឿងនេះដាច់ខាតព្រោះនេះគឺជាការចាប់ផ្ដើមត្រីមាសថ្មីចំពោះប្រិយមិត្តដែលចង់ទស្សនាមនុស្សយន្តដែលខ្លួនពេញចិត្តកុំបារម្ភឲ្យសោះព្រោះពួកគេនៅគ្រប់ចំនួនដូចដើម។
៣. Resident Evil6
នៅក្នុងវគ្គនេះ Red Queen កំពុងរៀបចំផែនការបំផ្លាញមនុស្សជាតិនិងជានាទីរបស់ Alice ព្រមទាំងមិត្តភក្ដិរបស់នាងដែលត្រូវធ្វើយ៉ាងណាដើម្បីបញ្ឈប់ផែនការអាក្រក់នេះឲ្យបាន។Sabay ជឿថា Resident Evil 6 ច្បាស់ជាវគ្គបញ្ចប់នៃភាពយន្តជាស៊េរីយ៉ាងសម្បូរបែបដូច្នេះប្រិយមិត្តដែលនិយមទស្សនារឿងនេះត្រូវតែទស្សនាដោយខានមិនបាន។
អាន៖ “មហាអាណាចក្រខ្មែរ” ប្រើទុន៧០លានដុល្លារគ្រាន់តែឆាកល្ខោនឱ្យខ្មែរអរបន្តិចប៉ុណ្ណោះ?
៤. The Expendables 3
មិនឲ្យអ្នកនិយមទស្សនាភាពយន្តបាញ់ប្រហារមិនទស្សនារឿងនេះម៉េចនឹងបាន បើរឿងនេះប្រមូលផ្ដុំទៅដោយតារាបាញ់ប្រហារលំដាប់អន្តរជាតិជាច្រើនមិនថា Sylvester Stallone (រ៉ាំបូ) Jason Statham, Bruce Willis, Arnold Schwarzenegger (អភិបាលរដ្ឋកាលីហ្វ័រនីញ៉ា)ជាដើមទៅហើយនោះ។
៥. X-Men : Days Of The Future Past
ជាភាពយន្តមួយក្នុងចំណោមភាពយន្តទាំងអស់ដែលមានអ្នកនិយមទស្សនាភាពយន្តខ្នាតធំរង់ចាំទស្សនាច្រើនបំផុតផងដែរដោយនៅក្នុងវគ្គថ្មីដែលនឹងត្រូវដាក់បញ្ចាំងក្នុងឆ្នាំ២០១៤នេះ Kitty Pryde មនុស្សដែលរួចរស់ជីវិតចុងក្រោយបានបញ្ជូន Wolverine ឲ្យធ្វើដំណើរត្រលប់ទៅកាន់អតីតកាលធ្វើឲ្យគេបានជួបជាមួយ Professor X, Rogue និង Magneto រួមជាមួយនឹងមនុស្សជាច្រើនផ្សេងទៀត។
៦. Step Up 5
បើនិយាយពីភាពយន្តដែលប្រើប្រាស់ការរាំហើយទទួលបានជោគជ័យបំផុត គឺត្រូវប្រគល់ឲ្យភាពយន្តជាស៊េរី Step up ព្រោះមិនថាចេញមកប៉ុន្មានវគ្គក៏នៅតែទទួលបានការគាំទ្រមានអ្នកទស្សនាពេញៗរោងភាពយន្ត។ ទោះជាក្នុងវគ្គទី៥ប្រាំនេះមិនបានបង្ហាញព័ត៌មានថានិយាយពីអ្វីប៉ុន្តែគ្រាន់តែឮឈ្មោះភាពយន្ត “Step Up” ក៏អាចបញ្ជាក់បានថារឿងនេះច្បាស់ជាមានលាយឡំទៅដោយក្បាច់រាំចង្វាក់ប្លែកៗជាក់ជាមិនខាន។
៧. The Amazing Spider-Man 2
រឿងរ៉ាវបុរសពីងពាងរូបសង្ហាដែលសម្ដែងដោយAndrew Garfieldត្រូវទទួលភារៈដ៏ធ្ងន់ធ្ងរគឺការពាររាល់អាយុជីវិតមនុស្សគ្រប់រូបព្រមទាំងត្រូវបែងចែកពេលវេលាឲ្យមនុស្សស្រីដែលគេស្រលាញ់។ ទោះជាបុរសពីងពាង Jonh Parker បានសន្យាជាមួយឪពុកតួឯកស្រីថានៅឲ្យឆ្ងាយពីនាងដើម្បីសុវត្ថិភាពនាងក្ដី ប៉ុន្តែ Jonh Parker ដឹងថាគេគ្មានថ្ងៃអាចកាត់ចិត្តពី Gwen បានទេ។ ទោះយ៉ាងណាក្ដី ការផ្លាស់ប្ដូរដ៏ធំសម្បើមមួយបានមកដល់នៅពេលគេបានជួបជាមួយសត្រូវចាស់ព្រមៗគ្នា។តើរឿងរ៉ាវនឹងត្រូវជាយ៉ាងនោះគឺមានតែទៅតាមដានទាំងអស់គ្នាក្នុងរោងភាពយន្តប៉ុណ្ណោះ។
៨. The Hunger Games: Mockingjay-Part I
ក្រោយពីទទួលបានការគាំទ្រយ៉ាងលើសលប់កាលពីវគ្គទីមួយរហូតមានឈ្មោះដណ្ដើមពានរង្វាន់អន្តរជាតិធំជាច្រើនរួចមក “The Hunger Games” កំពុងតែរៀបចំផលិតវគ្គបន្តបីវគ្គទៀត។ “The Hunger Games: Mockingjay-Part I” នឹងចាក់បញ្ចាំងក្នុងរោងភាពយន្តក្នុងឆ្នាំ២០១៤ចំណែកវគ្គបន្តៗទៀតនឹងចាក់បញ្ចាំងក្នុងឆ្នាំ២០១៥នឹង២០១៦បន្តបន្ទាប់គ្នា។
៩. Night At The Museum 3
តាំងតែពីវគ្គទីមួយដែលបានបញ្ចាំងកាលពីឆ្នាំ២០០៦មករឿងនេះទទួលបានការគាំទ្រណាស់មិនថាក្មេងឬចាស់ទេដោយសារតែរឿងនេះមានលាយឡំឈុតកំប្លុកកំប្លែងធ្វើឲ្យអ្នកទស្សនាសើចចុកពោះគ្រប់គ្នា។ ដូច្នេះក្នុងឆ្នាំ២០១៤នេះតារាឯកប្រុស Be n Stiller នឹងត្រលប់មកសម្ដែងជាអ្នកយាមសារៈមន្ទីរឲ្យទស្សនិកជនបានសើចព្រមៗគ្នាម្ដងទៀត។
១០. The Hobbit : There and Back Again
ភាពយន្តដែលថតចេញពីប្រលោមលោកJ.R.R. Ttolkein មិនធ្លាប់ធ្វើឲ្យអ្នកទស្សនាអស់សង្ឃឹមឡើយព្រោះថាគ្រប់ឈុតគ្រប់ឆាកដែលថតចេញមកគឺស្រស់ស្អាតដូចបានពិពណ៌នាក្នុងសៀវភៅពិតៗសូម្បីតែអ្នកដែលបានអានសៀវភៅរួចហើយក៏នៅតែអត់ទ្រាំមិនទៅទស្សនាមិនបានដែរ។
.jpg)
